السلآم عليكم
أبا أنظم وقتي و مب عارفة كيف
أبا أدرس لإني ثنوي و أبا أضعف لإني متنيت
بس ما أحس الوقت يكفيني
لإني أرجع من المدرسة الساعة 3 و أكون هلكانة و إذا رقدت أنش 6 و يالله يالله يمديني أحضر
ممو عارفة شسوي
وزني 70 و طولي 160
يعني أنا أبا أوصل لـــين 59
يعني 11 كيـــلو تقريبا
نسبتي بالمدرسة 95 > كانت بالتقويم 98 بس الإمتحانات نزلتني وايد لإني ما قمت أذاكر بس أفكر كيف أضعف .
و أنا داخله علمي > صف 11
هيه و بعد ويهي فيه حبوب و أحاول أتخلص منه و أستخدم كريلاسل و أحسه وايد نفعني بس لإني بيضة علامات الحبوب واايد تبين بويهي >.<
بليـــز حد يساعدني أو ع الأقل ينصحني
امشي كل يوم ساعة بس
وبعد شهر شوفي وزنج
اشتركي بجيم ساعه
فدييت رووحج دشيس مركز تنحييف وخلييه ايسوييلج برنااامج تتبعيينه وان شااء الله بتضعفيين..
اذا ماحبيتي سوي رياضة فلبييت امشي كل يووم ساعة تقرييبا ..خفي من الاكل اللي فيه دهوون.اكلي اكل صحي..
روحي عند دكتور جلدية عشاان ويهج وبيعطييج ان شااء الله حبوب وكريمات تفييدج .
حاولي تهتميين بدرااستج ولا تهملييها ابدا ..
اختي ادخلي نيوترشن عسب تنظمين اكلج..بس وزنج لطولج يعني احس انه عادي..
وعن المذاكره تراها اهم وشدي حيلج..وربي يوفقج ياشطورة..
لازم ترتبين أولوياتج أختي
لإن انتي ضايعـة بين الي تبغينه
رتبيهم من المهم للأهم
وابدئي بأهم شي اشتغلي عليه
والي هو بنظري دراستج ^^
وبعدها وزنج الي هي صحتـج
وبعدها بشرتج
حاولي تنظمين وقتج
ولا ترقدين العصر خلي الرقاد لليل 
وربي يوفقج لكل خير ^_^
المشاركة الأصلية كتبت بواسطة عضوةUAE 
وعن المذاكره تراها اهم وشدي حيلج..وربي يوفقج ياشطورة..
أولا . مشكورة حبيبتي ع ردج
بعدين أنا شريت شاي من نيوترشن
اسمه ميغا دايت و ما أحسه سوا شي >.<