صالة الدرجة الأولى التابعة لطيران الإمارات في الـ terminal3 فعلا زيارة تستحق التجربة
لأنها رمز للفخامة والاتساع و تغطي مساحة شاااسعة
أول مرة سرتها حسيت كأني في فندق مب في مطار ،
وطبعا قلت لازم أشارككم الرحلة
لكن المرة اللي صورت فيها ، كانت خالية !! محد غيرنا فيها
رغم ان كل مرة تكون مزدحمة .
بعد ما نخلص الـ Check in
نلقى هذا المصعد اللي يودينا للسوق الحرة وبوابات المغادرة وطبعا لـ
Emirates Lounge
وهذا مدخل الصالة
تستقبلنا النوافير
على الصوبين
مساحات شاسعة لين تدخلون الصالة الرئيسية
وبعدين تبتدي رحلة انتقاء الجلسة اللي تناسب ذوق كل مسافر
وبعدنا في البداية
ونكمل .. لاحظو السقف المصمم على شكل طيارة من الداخل
ونمر على جلسة مسقفة
وكراسيها
وأول بوفيه
وتوابعه
وعجبني التصميم المختلف لكل زاوية
جلسة باللون الغامق
نكمل شوي نلقى جلسة باللون الأزرق
وجلسة باللون البيبي بلو مع حاجز خشبي للخصوصية
للناس اللي يحبون الـ privacy مسوين لهم يلسات عربية على شكل حجرة مسكرة
وهذي زاوية ثانية منها
وطبعا للأطفال نصيب ..
حاطين كراسي على شكل lazy boys للي يحب يشوف التلفزيون
ومساحة بلاستيكية عشان لعب الأطفال
نواصل المشي ونلقى أكثر من بوفيه
نمشي بعد ونلقى بوفيه ثاني بكراسي أنيقة بتصميم ثاني
اخترنا هالطاولة
والحين براويكم البوفيه اللي يلسنا عداله ،
الأكل أكثر من ممتاز ولذيذ جدا
الاطباق الرئيسية
السوشي بار
أطباق خفيفة
الأجبان
عيبني هالديزاين لجبنة البارميزان
وكشاكش جبنة الغرويير
أما الجوز فحاطينه في خبزة عملاقة
الحلويات ….خوزو عن دربي 
وهذي الأشيا الخفيفة اللي اخترتها لأني كنت أبا أتغدى في الطيارة
وتفاجأت بوجود spa تابع لمنتجع المها الصحراوي
اسمه Timeless Spa يقدم خدمات تجميلية ومساج (للرجال والنساء)
مجانا
هذي صورته من الداخل
وزاوية ثانية لغرفة الانتظار
وعشان أنا ما كان جدامي الا ثلث ساعة ما لحقت أسوي الا مساج للأقدام على يد هالظريفة
وقالت لي المرة اليايه يوم بتسافرين اتصلي من البيت وخذي موعد عشان على طول نبتدي وياج وعطتني كرتهم
xxxxxxxxxxxx
قلت عاد بأشوف فخامة الحمام ما دامي موجودة ، لكني استغربت ان الحمام ما كان فخم مثل الصالة ، نظيف جدا طبعا لكنه كان عادي!
المغسلة
وحاطين بامبرز كيوت + طاولة تغيير الحفاظات عشان يسهلون على الأمهات
عيبتني بعد الجلسة الأندلسية اللي في نهاية الصالة
بألوانها الهادية على الجانب الثاني من الأعمدة
وهذا اللي يسمونه .. الركن البعيد الهادئ
خخخخخخخخخ
وقبل لا نركب الطيارة صليت في مصلى الصالة (واحد للرجال وواحد للنساء)
وهذا شكل المصلى من الداخل
مع مراعاة وجود stools لكبار السن
وتوادعنا وياهم على أمل رؤيتهم في القريب العاجل متجهين صوب طيارتنا
ونمشي في الخرطوم
بعلي العزيز ! .. لف يسار لو سمحت
ووصلنا باب الطيارة
نسير ونرد لكم بالسلامة ان شا الله
مع المزيد من التقارير 
هاه ! شو رايكم في الصالة ؟
مب فعلا زيارة تستحق التجربة ؟
في انتظار انطباعاتكم يا رفيقات سفري عالنت
ماشالله روعه تسلمين انا رحت اللونج بس مب اللي في ترمنال 3 ضيعته ممكن تقوليلي مكانه وين بالضبط؟؟؟
مشكوره عالتقرير الحلو
ماشاءالله عليكم والله يحفظكم
عجبني ديكور الجلسات الراقية والهادية
فعلا المكان يستحق الزيارة
والله يحفظ بلادنا من كل شر