جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
تاكد مـا يشرفنـي طريـق دربـه وصالـك
تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك
لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك
اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك
تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك
بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفي ـك!!
تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك
ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟
تدل الدرب من دونـي وقدمـك سكـة الأحـزان
توكـل لا تنادينـي ويعينـك الله علـى حـالـك
وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك
غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك
ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك
نقلتها من روعتها ….
دام فيها قص رااااااااااااااس الله المستعان!!!
حلوة فديييييييييتج….اختيار جميل
ربي معاج عنوني
جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
تاكد مـا يشرفنـي طريـق دربـه وصالـك
تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك
سلمتي على النقله الرائعه والمشكله يوم يرجع انسان ندمان من الصعب نسكر ابواب التسامح ونقول ليش جرحت ليش خنت ليش هجرت
تختفي كل الحروف ويصبح الحوار دموع ونبرات صوت الراجع من الصعب الصمود جدامها
يتكلم القلب ويقول مسموحه
لكن هذا الشاعر يملك قلب قوي ياليت عدنا مثل قلبه
حلت دنياج يا رب ……. تسلمين حبيبتي على روعة حضورج ….. دايما إنتي السباقه في ردودج ….. ونورج يكفيني ….
صح الله لسانج …. ويسلملي هالمنطوق الطيب وكل كلمة قلتيها 100 % صحيحة
وعن نفسي صعبة أرد للشخص إللي جرحني بكلامه وغدر بي وطعني من ورا ظهري ولكن للصمت معنى آخر ويبقى القلب صابر صامد صادق لا خاين للعشرة ….
اااااااااااااااااخ يا قلبي
اختيار موفق وبالفعل اللي يخون مره يخون عشريييين مره
واللي اختيار درب الخيانه انقوله :::مع السلامه
تسلم ايدج على النقل الطيب والقصيده القويه
الله يعطيج العافية