السلام عليكم ورحمه الله وبركاته…
بعد ما قريت موضوع الاخت فراغ العاطفه شفت ردود بعض البنات…
كانت وحده كاتبه ان صديقه عمرها اتوفت وللحين تتصل عليها ومانستها…
فطرى على بالي هالموضوع…
في حد كان في حياتج وراح عنج (مـــــــــــــــــــــــــات)
شخص ترك فراغ كبير بعد موته ورحيله من هالدنيا…
للحين تذكرينه؟؟؟…
شو اخر كلام دار بينكم؟؟؟…
وللحين تذكرين اخر جمله قالج اياها؟؟؟…
وللحين تذكرين المواقف الي صارت من بينكم؟؟؟…
باتظاركم خواتي للمشاركه…
مشكوره حبوبه ع الموضوع و بتكلم عن انسان غالي علي حيل وغلاته و صورته ابد ما فارقوا قلبي هو اخوي الله يرحمه و يغمد روحه الجنه مات بحادث سياره وابد مانسيته دوم اذكره واحرص قبل لا اسوي شي اني اتاكد انه هالشي بيرضيه و بيكون فرحان به
للحين تذكرينه؟؟؟…
طبعا و اتذكر لحظاتي معاه و دايما احب اشوف صوره الله يرحمه
شو اخر كلام دار بينكم؟؟؟…
كان يذاكر لي و عقب ظهرت برع البيت فكان يكلمني و يضحك و يقول يلا رجعي البيت احسن
وللحين تذكرينه؟؟؟…
اكيد
وللحين تذكرين المواقف الي صارت من بينكم؟؟؟…
تقريبا كلهاااا وفيه مواقف ماتنسى الله يرحمه يارب
أمي الله يرحمها … والله وحتى بعد ما توفت قعدت اتصلبها الصبح وانا رايحه الدوام انسى انها توفت لاني كنت متعوده اتصلبها وانا رايحه الدوام كل يوم .. كان إجباري ..
واحد من الاهل…كنت وايد اعزه…اعتبره مثل اخوي الصغير…
كان اصغر عني 7 او 8 سنين…
كنت اتواصل معاه على الماسنجر دايما…
ومرات يتصل يسال عني… (دوووم كان ايقولي من غيرج ماكنت اعرف كيف اتصرف في حياتي)…
في كل شي كان ايشاورني…
دووم كان ايقولي لو ما كنتي مخطوبه وكنت انا اكبر عنج اكيد كنت باخذج…حرام حد ياخذج ما ايقدرج (مالحق على عرسي)…
اخر مره كلمته كنا على الماسنجر…
قالي اختي دخيلج ادعيلي…
قلتله بشو تباني ادعيلك…
قالي الله ايخليج ادعيلي ان مافي شي ايفرق بيني وبين الي احبها الا الموت… (كان ناوي يخطبها اول ما ايدش الجامعه)…
فقلتله يارب ان شاءالله مافي شي ايفرقكم غير الموت…
رد قالي (امين)…
الاهل يدرون انا اشكثر احبه ومتعلقه فيه شرات اخوي الصغير…
اذكر اتصل فيني اخوي الصغير…قالي شو اتسوين…قلتله ماشي يالسه بالغرفه…
قلتله خير شو بلاك…ليش صوتك جذي…(فيه صيحه)…
قالي ابى اقولج شي بس مب عارف شو اقولج…قلتله خير بليز لا اتخوفني…
قالي فـــــــــــــــــــــــــــــــــــــــــــــــــ ـــــلان مــــــــــــــــــــــات…
انهرت…صحت صياح…تميت ازعج…هو بعده وياي على الخط…ايهديني…
الاهل كلهم اتيمعوا عليه يبون ايهدوني…
انهرت وصحت صياح…
حضرت عزاه…محد كان ايصيح كثري…
اتخيلو اخته اتهديني وانا اصيح…
كانت اتقولي المرحوم ماله طاري غيرج…
من عقبها انا ما دخلت بيتهم…
ومالي خاطر اسير جدا بيتهم وحتى الشارع الي ايطل عليه بيتهم ماحب امر عليه…
هو الي كان امحلي البيت…
بيتهم من غيره ومن غير حسه ولا شي…
الله يرحمك يالغالي ويغفرلك…
للحين ما نسيته ودوومه في بالي…
المشاركة الأصلية كتبت بواسطة مــوني 
للحين تذكرينه؟؟؟…
طبعا و اتذكر لحظاتي معاه و دايما احب اشوف صوره الله يرحمه
شو اخر كلام دار بينكم؟؟؟…
كان يذاكر لي و عقب ظهرت برع البيت فكان يكلمني و يضحك و يقول يلا رجعي البيت احسن
وللحين تذكرينه؟؟؟…
اكيد
وللحين تذكرين المواقف الي صارت من بينكم؟؟؟…
تقريبا كلهاااا وفيه مواقف ماتنسى الله يرحمه يارب
هاي هي الدنيا…
كلنا ضيوف عيلها…
ان شاءالله الله ايصبرنا على فراق الغاليين…
تسلمين حبيتي على المرور والمشاركه…
المشاركة الأصلية كتبت بواسطة ريم العاصمة الله يرحمها ويغفر لها وايصبرج على فراقها حبيبتي…
تسلمين على المشاركه يالغاليه…
نورتي فديتج…
اخوي أحمد
الله يرحمه
الله يرحمه