بسم الله الرحمن الرحيم
السلام عليكم ورحمه الله وبركاته
كيفكن اخواتي ان شاء الله بخير وعافيه
صراحه وقعت في موقف لااحسد عليه واول مره يصير لي مثل هالموقف المحرج
بس سبحان الله ربي رايد كذا بقول لكم الموقف اللي حصل بدون مقدمات بس وربي انها غلطه
بس فشله مره فشله لكن قدر الله وماشاء فعل .
بالعاده إحنا يعني عائلتنا يكون لها اجتماع كل اسبوع بيت ستي الله يحفظها ويطول بعمرها ستي يعني
ام الوالده الله يحفظها اصلا ماعندي ست غيرها ربي يطول بعمرها
وبالعاده كل يوم خميس مخصص لها يجتمعون أخوالي وخالاتي عندها ويقضون اليوم كله عندها وتكون
الزياره يوم الخميس من كل اسبوع وقد تستمر يوم كامل حسب وقت الشخص وارتباطاته ومتعودين على الشي هذا من زمان
المهم بيوم الخميس اللي مضى صراحه هزني الشوق وشتقت لجلست الاهل والمه والوناسه وقلت خلاص مشتاقه لأمي ولستي
وللأهل وبما انه الاسبوع بالنسبه لي كله كرف وشغل ماارتاح غير خميس وجمعه من كل اسبوع قلت وقت مناسب لزياره الاهل والحبايب قلت بروح لبيت سيدي واصلا خالاتي هناك وقت المغربيه يكونون الجميع مجتمعين
لكن رحت لهم المغرب ويوم جيت لستي إلى هي فرحانه ومستانسه فيني حيل طبيعي تفرح لاشافتني
لأن لي تقريبا شهر ماشفتها وصراحه قلت زياراتي للأهل بسبب بعد منزلي عنهم هم بحي وانا بحي المهم لقيت امي الغاليه وكم كنت مشتاقه لها!! يالله قليل اشوفها ويمكن تعودت على الحرمان
لكن هذي حال الدنيا الله يطول بعمرها
المهم بعد العشاء يعني بعد ماتعشينا وسوالف وضحك ماادري ايش اللي خلا امي تقضبت مبايلي اللي
هو بلاك بيري وجلست تتصفح فيه وتعلق على شكله وكبره وتقول ماهو حلوووووووو وجلست
تتصفح فيه وتفتح ملف وتغلق اخر إلى ان فتحت ذاك الملف يالله
صراحه ملف نسيت امسحه مثل الملفات اللي تجي احيانا وقد يكون اني اخذته من وحده بدافع الفضول
ولكن الملف صراحه مايصلح ؟؟ لكن غلطتي اني نسيت امسحه وشافته امي وتغير وجهها وحمر
وسكرته وقالت اعوذ بالله ايش هذا قلت ماادري فلانه جابته ولا ادري عنه بس امي ماصدقت
حست اني اكذب لكن قلت خالتي ارسلته بلوتوث الحين اخخخخخخخخخخخ مسكينه خالتي
دايم تدخل نفسها في متاهات وهي في غنى عنها قالت خالتي مسويه قويه وهي ماتدري وش السالفه
ايه انا ارسلت الملف لها الحين تبين ارسل لك بعدوقالت مافيها شي عادي
صراحه امي تناظر فيها وتناظر فيني وجهي الوان واشكال صراحه احراج مره حاولت اني
ابعد نظرات امي عني بس ماقدرت حتى يسولفون وانا لاحظتها انها انكتمت وكانت بس تناظر وماتكلم احد بس
تفكر وانا بعد انحرجت وتغير لوني وضاع وجهي والساعه 12 رحت لبيتي ومتفشله والعن اليوم اللي حفظت فيه المقطع
واحاسب نفسي ليش مامسحت المقطع واليوم لي يومين ماادري ايش اقول ودي اتصل على امي
وكلمها مااقدر اروح لها لاني بستحي منها صعب الموقف او على الِأقل أ ستنى شهر الين تبرد السالفه وتنسى
لكن خالتي الخبله اتصلت فيني وقالت لي امك تهاوشني وتلقي علي محاضرات وخرابيط ومدري ايش
ايش فيه وش صاير قلت ابد اصل امي شافت عندي مقطع ؟؟؟؟؟؟ وقلت انك مرسلته لي
بغت خالتي تجيها جلطه وتخاصمني وتهاوش وصراحه خالتي اصغر عني بسنه بس ملقوفه بدال ماتسكت
بكل فخر تطبطب على صدرها وتقول انا انا وش فيها
الحين انا ايش اسوي ايش اقول لأمي اول مره بحياتي تشوف مقطع عندي كذا وصراحه غلطت
العاده امسح اي شي يجي بس شلون هذا احتفظ هناك ماادري
يعني امي الحين ماادري ايش تقول بخاطرها ونفسي اكلمها بس مستحيه
علموني ايش اقول وعمل وياليت انسى السالفه الحين الساعه 2 وأفكر مانمت
خالتي مش مهم عادي انا وهيه على بساط احمدي لكن امي صعب صعب اتعامل معها بأريحه
يالله قولوا لي وعلموني ايش اسوي
الموقف فعلآ محرج بس عزيزتي ليش تشوفون هالمقاطع والله حرام تخيلي انتي استحيتي من امج فما بالج رب العالمين يشوفج وانتي تشوفينه ^_^ يمكن الله عمل هالموقف علشان توقفين هالعادة وكل اللي عندج في البلاك بيري قوليلهم لا تبعثولي شي وصخ ^_^
المشاركة الأصلية كتبت بواسطة لمعة خرز 
ياحبيبه اللي عندي مااستقبل منهم كذا وللي اشوفه يرسل مقاطع بايخه وربي احذفه بس مانكر اني ساعات اطلع عليها لكن المقطع هذا بالذات خذيته من زميلتي لقافه بس نسيت ومامسحته سبحان الله
المشاركة الأصلية كتبت بواسطة جرحتيني يكفي يالله الله يستر… وعلى قولة مثل اخواننا الشاميين يقولون ( تكبر وتنسى) بتمر الايام وبتنسون … بس اول لقاء بيصير بينكم بيكون محرج وبعدين بيصير ماضي هونيها وتهون وحاولي تقولين لامج الموضوع قوليلها ان طرشوها لج وانتي ما شفتيها ونسيتي تمسحينة)