طبعاً خواتي مثل ماهو معروف أي علاقة في الدنيا لازم يكون فيها تجديد و refresh ,,, سواء علاقة زوجين أو أخوة أو صداقة .. و أنا هاذي مشكلتي ,,, صديقتي الوحيدة لي ماعندي غيرها .. وأعرفها من زماااااااان وايد .. أحس بين فترة و فترة صداقتنا يشوبها الملل و البرود …. يعني مانكلم بعض و نسولف بحرارة شرا قبل …و ماأحسها أنها متحمسة نتلاقى و أنا نفس الشي .. مع العلم أنا وهي مش من النوع لي كل يوم تلفونات ومسجات وطلعات …. يعني عادي كمن يوم و مرات اسبوع و أكثر مانسولف و لانتلاقى ,, بس نرد نكلم بعض بحماس و شوق الأخت لأختها ….. و أحس بها تبا تشتكيلي من مواقف صارتلها و خاطرها نفرح مع بعض على أي شي صارلها و فرحها و أنا نفس الشي لكن ألحين لأ …. مادري ليش … أحس ماشي إحساس الصداقة لولي المميز لي كان بيننا .. و أنا ماريد أخسرها لأنها مووووول ماتتعوض …. يعني ماشاالله عليها صديقة بمعنى الكلمة …..
خواتي أبا فكرة أو مبادرة مني ترجع صداقتنا قوية و كلها حماس شرا قبل .. أرجو منكن تساعدني فديتكن… أتريا أفكاركن ….. والسموحة
انشاء الله الخوات بيفيدونج
… الله يكوون في عونج الغالية ..
مااعرف شو بقولج الغالية
الله يسر الحال
لا اله الا الله00حبوبة وانتي بعد ونعم الصديقه ماشااء الله عليكم
اناا اشوف انج تهدينهااا شي قيم مثل كتب او سي دي دينيه00اي شي ينفعهااا دينهاا
ودنيتهااا00الرسول صلى الله عليه وسلم قاال تهاادوا تحاابوا وانتي ادرى بزوقهااا وشو تحب
عزيزتي فضفضيلهااا عن احسااسج وجددي صدااقتكم بالزياارة الناافعه 0
والبعد بعد القلوب ومب بعد الدرووب 00الله يديم المحبه عليكم ولا يغير عليكم ياارب
هممم
ذكريها بذكريااتكم قبل
ربي يديم صداقتكم ^_^
هممم
هو شيء عادي حبوبة انه ما يكون عندكم سوالف وجيه موب يعني انتهت الصداقة ولا صابها برود لا اتيها فترات هيك عم بتكون لوولز ^.^
بالتوفيج
انا فكرت في الهديــة .. وطرشتلها ع دوامها ,, بس حسيت ماشي تفاعل قوي شرا قبل …. أنا مالومها لأني أنا بعد نفس الحالة .. أحس أني صرت ما أهتم بعلومها و لا بسوالفها شرا قبل … مادري ليش ! مع أني أحبها كثر خواتي و يمكن أكثر …. أحيانا أفكر فالسبب… بس والله مالقيت شي منطقي يغيرنا على بعض جذيه !! حتى ريلي ملاحظ و يقولي غريبة وين فلانة .. ماحيدج تصبرين عنها !! لأنه ريلي يعرف أهلها و أخوانها و ريلها بعد …نحن كنا قو مع بعض لدرجة أي وحدة فينا تاخذ شي لعمرها تاخذه للثانية بعد …. حتى الشيل البيضا لي نلبسهن فالبيت .. حتى السليبر عزكن الله …. حتى الشباصة!!! ويوم ناخذ لعيالنا بعد كل وحدة تذكر عيال الثانية.. لكن مادري شو المشكلة حاليا .. عموما أنا متابعة الردود ….