السلام عليكم خواتي أريد منكن خدمه. أريد أسافر بلاد يكون جوها حلو وطبيعتها حلووه بس ماتكوون غاليه أريد أسكن في شقق فندقيه رحله لمدت عشر أيام. كم ممكن تكلفني
ان شاء الله البنات ما بيقصرن
تركيا جوها في شهر سته حلوه واسعارهم معقوله اذا بتقارنينها بأوروبا
هلااختي تركيا واايد حلوه وأسعارها زينه
عندج اذا بتروحين زيلامسي وااايد بتستانسين وتأجرين سياره وما تعتمدين أبدا على مواصلاتهم وترى الرحله انتي ترومين تتحكمين بصرفج هناك
انزلوا في مطار ميونيخ وبعدين سيروا على طول زيلامسي وأخذوا السياره من مطار ميونيخ وأحسن احجزوها من الموقع قبل لا تروحون
يعني المخطط يكون كالتالي
النزول في مطار ميونيخ
٧ ليال زيلامسي تروحون فيها ارروع الاماكن. الطبيعه والحدائق وكل شي حلو وتقدرون تطبخون في الشقه أوفررر لكم
٣ ليال فيينا للتسوق وبعد تزورون المناطق الحلوه فيها
وسفره ممتعه *
هلا أختي نواره كم بتكون تكلفت الرحله لشخصين كبار ولخمشه أطفأل عمارهن بين العشر سنوات والأربع سنوات
هلا حبيبتي التكلفه على حسب صرفكم أنتو
عشان تقللين المصاريف أخذوا وياكم الجدر الكهربائي بما أنكم عايله عالأقل عشان وجبة الغدا وأخذوا وياكم اغراض من البيت مثل الجبن واايد ضروري والاندومي عشان العيال وشوية معلبات اذا تحبون
الصبح اتريقوا من الفندق والا اشتروا صمون او خبز وعندكم الجبن وممكن تاخذون بيض وتسوون بيض مفور في الجدر او ممكن تاخذون وياكم كورن فليكس وتشترون من هناك الحليب
بعد نصيحه لج عشان المصاريف لازم تاخذون سياره وااايد بتوفر عليكم لنكم عايله وما برتاحون في التنقل بالباصات او القطار والتكاسي وااااااايد غاليه
وعشان التوفير قللوا من مشترياتكم هذا اذا قدرتوا
وسفرة ممتعه