عندي سفره بعد كم شهر اذا الله اراد وتسهلت وابي اخطط لها من الحين
و طبعا من ضمن مخطط السفر الشوبينق 
ومحتارة مابين باريس وميونخ
انا ابي ماركات خصوصا الشناط مثل شانيل وال في بس مادري من وين اشتريهم من باريس ولا من ميونخ
وشنو الاشياء الي ماتتفوت من باريس سواء محل للملابس الكشخه او عطور او اي شي مميز من عندهم
سمعت عن جاليري لافييت وشارع الشاتليه اظن كذا اسمه وش رايكم اشتري منهم ولا فيه اماكن ارخص ونفس الماركه
الله بتزورين حبيبتي باغي
الغاليه انا وحده يعيبها الشوبنغ من فرنسا اكثر من اي مكان ثاني ما ادري احسه ارقى
فندج جاليري لافاييت عندهم كل كل كل الماركات بس انتي و حظج عاد اذا بتوقفين فالطابور او لا
و عندج الشانزليزيه عدهم محلات الماركات و سيفورا عنده العطور اليديده و الاصليه
و فميونخ عندج شارع المارين فيه الماركات بس ما قد خذت منه شي لان دوم نمر باريس فناخذ منك
لا تنسيني من الصوغه
ههههههههههه ولا يهمك ابشري فيها بس انتي تدللي
مشكورة حبيبتي بس ليش اوقف طابور 
مافهمت
يعني البضاعه قليله ولازحمة
خلاص بتريا
ترى فيه مواسم باريس تكون وايد زحمه
يعني مثلا انا كنت فباريس ع اخر السنه و سرنا جاليري لافاييت و الله من الزحمه ما ترومين تتحركين و محل ال في كان وايد زحمه عليه خصوصا من اليابانيين و حتى شانيل و ديور و اخر شي مليت و ظهرت هههه
تخيلي الناس واجفين فطابور
للرفع
ربي يرفع حظك
المشاركة الأصلية كتبت بواسطة وردة الجاردينيا 
ترى فيه مواسم باريس تكون وايد زحمه
يعني مثلا انا كنت فباريس ع اخر السنه و سرنا جاليري لافاييت و الله من الزحمه ما ترومين تتحركين و محل ال في كان وايد زحمه عليه خصوصا من اليابانيين و حتى شانيل و ديور و اخر شي مليت و ظهرت هههه
تخيلي الناس واجفين فطابور
انا بروح بعد عيد الفطر تتوقعين بيكون زحمة عاد الي معاي مايطيق يصف طابور ولا ينتظر اشتري وامشي هههه