السلام عليكم خواتي وكل سنه وانتوا طيبين انشالله ….انشالله ناوين نعتمر في عطلة الربيع وبغيت اسكن شقة انا والعيال نبغي شي قريب من الحرم وبنفس الوقت مايكون غالي اللي عندها معلومات اللي يجزيها الخير تفيدني وبعد شو احسن طيران اسعاره معقولة مشكورات يا احلى اماراتيات ..وشوا احسن الاسواق عندهم
هلا والله خيتووو..
هالحين اقرب شي للحرم الفنادق عندج زمزم والصفوه وابراج مكه ودار التوحيد وفنادق ثاااااااانيه
وبالنسبه للشقق تكون شوي بعيده عن الحرم بس اكثرها ما تكون نظيفه لازم دواااره لين ماتحصلون شي نظيف وعلى ذوقكم
والاسواق عندج في ابراج زمزم وابراج مكه اسواق تحت وعندج سوق العزيزيه في وااااايد اشياء حلوه اسعارهم بعد حلوه بس لازم تركبوون تاكسي وتقولن له سوق العزيزيه وهو يودكم
وبالنسبه للطيران عندج ناس وسما والعربيه دقيلهم وشوفي اسعارهم
وطبعا انا كل سيراتي للسعوديه تكون بالسياره احس تكون الرحله احلى
مرحبا…….
الفنادق مثل ماقالت الاخت زمزم و غيرة اللي جدام الحرم..
و الطيران اذا حجزتي من وقت بيكون ارخص ,,,انا افضل الامارات او السعودية
و الاسواق عندج الحجاز و الضيافة و العزيزية..بالتكسي تروحين له
أحسن مكان للسكن ابراج مكه بصراحه نظيف وقريب على الحرم وفيه مركز وفيه مطاعم يعني ما بتتعبين يوم بدورين على الاكل
بالنسبه للطيران عندج فلاي دبي – العربيه للطيران – طيران الامارات – طيران الناس – طيران السعوديه
والله يتقبل عمرتكم 
للسكن ابراج البيت وشركة مكه وابرااج الصفوه كلهم عسااحة الحرم وكلهم فيهم اسوااق فالطوابق اللي تحت
والله يسهل عليكم ويتقبل منكم,,احجزي من هنيه ارخص لج من هنااك..
وبالنسبه للطيراان اذا تبين اقتصاادي عندج فلااي دبي والعرربيه ونااس ,,
مرحبا الغلااا ..
حبيبتي نحن سرنا ويا الثريا للعطلات اللي ف رآك ..
هو يسوي عروضآآآت للفندق والتذاكر والتوصل من والي المطار ..
بصراحه واايد اوكي والسفر يكون عالعربية ولا سمااا من مطار الشاررجه…
ومب غآلي وآآيد نحن الحمدلله كنا مرتااحييين يوم سرنا ما اتلعوزنآآآ ويآهم ..
واذا عندج سوال او اي استفسار راسليني عآلخآآآآآآآص حبوبتيه ..