السلام عليكم ….اشحالكم بنات
انا الحمدالله انس رجعت من بانكوك…وتميت فيها لمدة 12يوم
مطار دبي كان وااااااااااااااااااااااايد فاضي اعتقد بس نحن واربع عوايل وكل عائله 4 اشخاص وشباب كل اثنين مع بعض
المهم والطياره التايلانديه كانت فاضيه عالاخر ما تتخيلون اول مره اشوف طياره جيه فاضيه بالعاده زحمه موت حتى ما في مكان
المهم يوم وصلنا مطار تايلاند عاده تعالى شوفوا زحمة الخليجين محد امغلي الاسعار الا هم
يعني حتى لو امغلين السعر يشترون اتقولون جنه ما في في البلاد وتعالوا شوفوا المنكر واليور لا عبي والمكياج فل والشعر برع والاسعار واااااااااااااايد امغلينه عن اول يمكن ارخص مركز MBKوالا البافي ضو …المهم 11 يوم كانوا روعه من اروع ما يكون ما خليني سفاري ومخلينا دريم لاند والجو رووووووووووووووووووووووووعه ما عليه كلام مطر وغيوم حتى الشمس ما شفنها من المطر والغيوم ….
المهم على اخر يوم اكتشفنا وااااحد من ربع اخوي الصغاريه الي ويانا عنده ربو ونحن ما ندري انه عنده ربو وامه وصتنا عليه بس بعد ما خبرتنا انه عنده ربو المهم عاليوم الاخير ونحن في السياره الولد تعبانا ما يروم يتنفس وضايق عليه صدره قلنا بنوديه المستشفي يوم سرنا قال الدكتور فيه انفلونزا الخنازير ……والله بغيت اموت من الخوف وقال لازم ينحجز عندنا ….والولد خايف واهله مش وياه نحن فندقنا غير عن فندقهم …قلنا ما شيء الا السفاره واتصلنا فيهم وما قصروا ويانا
وردينا بالسلامه والحينه الولد يتعالج في المستشفى
بس انا انصحكم لا تسافرون وتندمون الاسعار غاليه صح تقدرون تشترون بس بعد في البلاد اهون انا ايلس في بلادي ومكاني احسن لي من اني اسافر وامرض وامرض غيري وياي
الحمدالله ع السلامه اختيه
تايلند انتشر فيها المرض واايد
الله يشفي الولد ان شاء الله و لايبلانا بهالمرض
اقعدوا في بلادكم اخير لكم هالوقت محد يظهر
يااااااااااه ..
لا حول ولا قوة الا بالله …
قدر الله وما شاء فعل … قولوا الحمدالله على كل حال …
وربي يعافيه ان شاء الله من كل شر …
و صدقج والله الواحد صار يخاف وهو في بلاده الأمراض تييه فكيف برع البلاد .. الله يستر من الجووور اللي فيها ..
و الله يبعد الشر عن أمه محمد أجمعين …
لا حول ولا قوة الا بالله
أسأل الله العظيم رب العرش العظيم أن يشفيه
ربي يشفيه أن شاء الله
لا حول ولا قوة الا بالله