مرحباا بناات وحريم
بغيت أشوف رايكم
عادي عندكم البنت تسير الجامعة او الكلية بسيارتها ؟؟
نحن مب عادي < اونه عيب البنت تسوق الا اذا معرسة ولا تشتغل
والسبب اذا اختربت عليها السيارة كيف بتتصرف
وانا أشوفها عادي ما فيها شي
مرة كلمت أمايه فهالموضوع وقالت لااا
الا فحالات استثنائية
يعني الجامعة قريبه من البيت والبنت ما عندها حد يشلها
ويعتمد اذا هي من النوع الي شخصياتهم قويه ويعرفون يتصرفون ولا شخصياتهم ضعيفه
عاد أنا قلتلها وانا شو تشوفين شخصيتي < لا تقولون تمدح عمرها هههههه
قالت انتي قوية وتعرفين تتصرفين وتقدرين بس الناس يرمسون عن البنت وجيه يعني
اممم وباقي اقول أني بعدني فالمدرسة 2 ثانوي و ان شا الله بتعلم السواقة عقب امتحانات الفصل الاول وقير عادي عشان إثبتلهم مواهبي هههههههه
اترك التعليق لكم واللي بتدش وما بتقول رأيها بعضضها ههههههه
احنا عندنا عادى وشىء ضرورى بعد كل العائلة ما شاء الله يسوقون
بس قلب الام عاد تدرون اشكثر اتحاتى يوم ولدها يطلع من البيت
فما بال البنت —
انا اسوق واشكثر اتعرض لمفاجئات الطريق من قبل الطائشين —ومن كثر الحوادث
الى نشوف الواحد يكره السواقة —–
اللهم سترك يارب –اللهم احفظ جميع امة المسلمين
اللهم آمين
فـ رآيي َ شيء عآديْ ، وَ آن شآء آلله آسوقْ يومَ آخلصْ آلثآنويه ْ 
ما اشوف فيها شي ان الوحده تسوق لين الجامعه او الدوام ما تفرق ترا
المهم البنت وين سايره و تكون قد ثقة الليسن الي اهلها وافقو يعطونها اياه
و اذا الله كاتب ان تخترب السياره راح تخترب سواء كنتي بالدوام والا بالجامعه ، متزوجه او مش متزوجه
و شي اكيد بتتصلين في اهلج و شي اكيد حد من رياييل عايلتكم بيون و بيعاونونج
و الافضل ان الوحده هالايام تاخذ الليسن و تعتمد على نفسها بدال بلاوي الدريوليه و التكاسي الي الواحد ما يوثق فيهم
اشوف
السيارة ممكن تخترب بكل الحالات متزوجه ..بنوتة او موظفة
نحن عادي
كنا أنا واختي بنفس الجامعه وانروح مع بعض
لكن اذا صار شي نتصل في إخوانه وعطول اييون