السلام عليكم ورحمة الله وبركاته
خواتي ابغي ورق جدران في بوظبي
ولو حد يعرف وين بحصل ورق جدران مال ديزني اتخبرني الله بخليكم
والاثاث واغراض الحمامات وانتو ابكرامه
سامحيني… ما اعرف….
بنات بوظبي ان شاء الله بيفيدونج…
ورق الجدران من عند بن حسين للديكور والفايز للديكور
والاغراض الثانية بتلاقينها في كل مكان ( هوم سنتر هوم آر اص لايف ستيل )
مشكورات خواتي على الرد
للرفع
أبوظبي مول الطابق الثالث ( حول الامارات و 2XL و في محل عدال حول الامارات وايد حلو يبيع اغراض حمام و كفرات راقيه )
المارينا ( روحي زرا هوم عندهم أشياء حلوه لأغراض الحمام )
سنتر بوينت ( فيه لايف ستايل و في هوم سنتر)
و عندج بعد هوم أر أس
بالنسبة لورق جدران ديزني … يمكن اتحصلين عند محلات الديكور
بالنسبة لورق الجدران انتريرز ورق جدرانه فخم وراقي وكلاس بس غالي
وعندج بير امبورت في المارينا مول او فيلاتهم في الخالدية قريب من الربتش كانسل بعد عندهم ورق جدران روعة
وبعد مثل ما تفضلوا الخوات بن حسين واسعاره امناسبة والفايز بس غالي
وبالنسبة لديكور ديزني لاند بتحصلينه في بيبي شوب الي في الجمعية الي فوق عندهم اشكال للبنات و الاولاد والفايز عنده بعد
محلات الاثاث عندج ابوظبي مول الطابق الثالث كله محلات اثاث المخزن الجديد فيه اغراض الحمام بس غالي
حول الامارات ، 2XL ، مارينا جلف (عندهم الاشياء الانتيك الجديمة بعد غالي شوي) ، The One
وانتيريز في شارع حمدان (وايد احب هالمحل)
هوم سنتر شارع حمدان والمارينا مول ، هوم ارس في مدينة زايد ، 711 ، المفروشات الذهبية
محل اوبشن جدا راقي في الخالدية مول فوق ، اي دي ديزاين في الوحدة مول بعد حلو
فيه محل في الجمعية الجديمة في النادي السياحي عنده اشياء حلوة نسيت اسمه سمبل فيلد اظني ما اتذكر والله
وارقى شي مفروشات الديار على الكورنيش شغله فخم بس وايد وايد غالي
بالنسبة للحمامات وانتي بالكرامة عندج بن حم امجابل دار الشفاء اشيائه حلوة واسعاره مناسبة وسلطانكو بعد والشرقية وفي شارع النجدة واحد قريب من وكالة المسعود ايجنن
هذا الي تذكرته اذا تكرت شي برجع