أبا مساعدتكم بسالفة البشاكير .

خواتي بغيت مشورتكم في شي .. لأني وايد متردده

أنا الله يسلمكم .. أبا أييب بشكاره حق بنتي يعني شامل التنظيف والترتيب عشان أقدر أتفرغ لنفسي

ولريلي اشوي .. بس من كثر ما أسمع عن بلاويهم ومشاكلهم والله أني متردده و أنا هذا إلي يخوفني من البشاكير .. مع أني أثق فللي حوليي بس ما أثق فيهن

أبا أييب بشكاره بس خايفه .. انا من النوع إلي يغار بشكل فظيع يعني لو أبوي ولا أخوي يالسين

على راحتهم والبشكاره طايفه .. أتم أطالعهم عشان يعدلون من يلستهم أو أطالعها إذا عيونها دارت صوبهم أو لا ..!!!

وغيره ما أحب أنهم يرمسون وياها أو يوجهولها أي أمر .. أنا لازم أقولها بالي يبونه ..

والله أني يوم أشوفها بس طايفه وهم موجودين .. ما تتخيلون اشكثر الدم يفور فعروقي ..

ما أعرف شو أسوي .. أبا أييب وحده بس هالأفكار مب طايعه اتزول من مخي قريت قصص وايد عن

بلاويهن و اتم أشك في بشارين قوم أمي .. والله أنه الوحده فيهن ما يخصها بأهل البيت .. بس ماعرف

ليش هالوسواس .. وهالقصص امخوفتني ولا زاد عليها سالفه انفلونزا الخنازير .. خلاني أهون عالسالفة بشكل مؤقت.

بنات شورن عليي وانصحوني الله يخليكم ..

المشاركة الأصلية كتبت بواسطة مرت الوزير

شوفى عزيزتى من خلال تجربتى مع البشاكير خليها اتنظف الصبح داخل البيت والريياييل فى العمل ولو بغيتيها تيب شئ انتى اخديه من عندها وقدميه لريلج او اخوانج وبالنسبه للعنايه بالاطفال لا تتركيلها كل شئ يعنى انتى سبحى بنتج او ولدج وانتى غسليهم عن الوصخ وراقبيها فى تعاملها ونظافتها مع الاطفال وحطيلها قوانين البيت وعوديها علي هالشئ مثلا ما تدخل الغرف وريلج فى الغرفه وادق الباب وتستأدن قبل ما تدخل عليكم وهى بتتعود الصراحه انا ريلى اى شئ يبغى يطلب منى وعمرى ما خليته او شفته يطلب من البشاكير الا فى حدود ضيقه والحمدلله مرتاحه منهم وانا اتعامل مع الفلبينيات كأنهم خواتى وحاول اييب من المناطق الفقيره من الفلبين يعنى من المسلمات او المسيحيات المؤدبات الفقراء الى يخافن على نفسهن وما احب اييب من المدن واستخير قبل ما اسوى الفيزه للبشكاره لان ما خاب من استخار والله يوفقج

أنا ما عندي ثقه فالبشاكير بشكل عام .. يعني مستحيل أخلي بنتي روحها ويا البشكاره ..

البشكاره شغلها انها اتلعب بنتي فالحوي و اتيودها إذا كنت مشغوله بشي .. واتغسل ثيابها واتكوي

واترتب البيت والمطبخ .. وبس

حلوة معاملتج و طريقتج .. عيبتني سالفة تستأذن قبل ما تدخل .. وسالفة آخذ عنها الأشياء وأوديها بنفسي لريلي ..

إنتي الغالية بتييبين بشكارة عادي لكن مسؤوليتج إتجاه عيالج ما يخصه فالبشاكير

انا كانت عندي بنية ربي يحفظها و قعدت فترة طويلة بدون بشكارة لني أصلا ما أحب أتكل على أحد

لكن يوم حملت و هذا كان صدفة لكن الحمد لله ريلي فديته قالي لازم أييبها لنه كان يشوفني وايد اتعب

بس انا كنت مرتاحة تخيلي الغسيل و الكوي و الطباخ و تنظيف البيت و عاد انا من النوع اللي موسوسة بالنظافة

و لازم الحلويات تكون فبيتي و كل أسبوع أسوي و من شغل إيدي طبعا و لازم كل أسبوع أشيل البيت شل

و الله إني كنت وايد أتعب بس مستانسة و يوم جبت البشكارة الحينه قربت تكمل السنة عندي بعدها ما تسوي كل شي

يعني بناتي علي طبعا من اكلهم و لباسهم و كل شي و الحمد لله مش متعودات عليها أبدا كله يدورون وين ماما بس

و ريلي لازم انا أقدم له كل شي بروحي ما احب أتأمر على الخدامة هاتي و هاتي و حتى هي بيني و بينج ثقيلة

ما توصل الغرض إلا يوم تفقع مرارتي ولكن بالنسبة لج إنتي عدج هالخوف الكبير و الوسواس

سوي نفس اللي قلت لج خليها مساعدة فالبيت بس و لكن لا تنسين بنتج

شي حريم كل ما تزيد الأطفال تزيد عدد الخدم و هذا غلط يعني إنتي إذا ما تقدرين تقابلين عيالج و ما تقدرين على

مسؤوليتهم ليش كل شوي حامل و الله أنه الرياييل ما يحبون الحرمة اللي كله تعتمد على الخدم و هي ولاشي