بغيت استفسر حد منكن جرب ماركة الاثاث اللي بتلاقونها ضمن 3 ماركات في هالموقع
يا ليت تبدي لي رايها:-
و كيف كانت الجوده والاسعار ؟؟
و هل ارتحتي لاثاثهم و إلا ندمتي أنج خذتيه؟؟
افااا 
خواتي وينكن؟؟
اتريا آرائكن ضروري عسب أقرر..
ana chafeeeeet el picture w srget kmen 9oora methel ma tgoleen ana shratech a7eb el athath el simple w bma ine 3la ***** ydedah my sister ma tn97nee 25eth simple w ana agool la ana le mta btem 3rooos y3nee 7raam 25eth shay ma akoon mrta7a leh w a7es el shay el 3oooood y2ther 3la el room w ana ma a7eb a5lee el room wayed 93’eeerah
el mhoum 3ebtny el 7rkah malt el beds wayed afker aswee shrathoum 3shan est3’el mkaan 7ag el fowed OR l7afat
rby ywafegech in sha ullah
i didn’t try it bss agoolech shklah 7lo
هلا اختي شفت الصور حلوه
بس ما اعرف عن الكوالتي
اشتري شي مجرب احسن
بس اظن انه صيني لاني شفت كاتلوج صيني تقريبا يشبه
ليش ما اتشوفين هومز ار اص بتحصلين نفس الاشيا تقريبا عنده
والله يوفقج في الاختيار
نوع اليستابليك….شفته في بيت حد من الأهل……….هم من فترة حاطينه.حق غرفه جلوس مب للضيوف….ولاحظت انه اوكي…مازال مثل ماهو …مب مخترب..
بس ماعرف اذا شاريين من نفس المكان او لاااااا…امكن لااا
بس من الصور…تبين انهم نوعيه زينة…
الله يوفقج
المشاركة الأصلية كتبت بواسطة شمعة الجـلاس 
el mhoum 3ebtny el 7rkah malt el beds wayed afker aswee shrathoum 3shan est3’el mkaan 7ag el fowed OR l7afat
rby ywafegech in sha ullah
i didn’t try it bss agoolech shklah 7lo
حلال عليج الموقع بكبره
بالنسبة لي غرفتي الحالية لي ابا اغيرها جدا فخمه و الاثاث خشبي مذهب و السبب الاساسي للتغير حجم الاثاث عود و ماخذ حيز في الغرفه..و بعد الخشب غامق و محفر يعني بسرعه يغبر و يباله تنظيف دايماا..
انا يوم شفت هاييل سمبل بعدين تحيرت قلت غرفة النوم لازم يكون فيا رومانسيه شوي و دلع وهاي الكبتات والشباري اسطحهن ملسا وانا ختهن عسب سمبل و بعد تنظيفهن سهل و يعطن جو هاددي للغرفه و بحاول بالاكسيسوريز ادخل الرومانسيه يعني تحف و اضاه و خداديات و كنبه طايحه و هالسوالف.
بما انج عروس يديده برايي تشوفين راي زوجج كيف بيكون و حاولي تاخذين شي اسطوري و فخم يعني قوم بو ديزاينات عسب توج فالبدايه و يوم بتملين سوي شراتي ردي عالسمبل ههه
يعني لانج فالبدايه والديزينات دلع..
اكيد الغاليه الاثاث العود يأثر عالروم و نصيحـــــــه مهمه الغاليه اهم شي قياسات الغرفه……حطي في بالج هالشي دوم
يعني يوم بتيين تقيسي اليدار لاتحسبين مكان الباب والدرايش واذا فيه ممر
لانه انا اثاثي القبلي تمشكلت مع مشكلة ضخامته و عدم تناسبه مع حجم الغرفه الاثاث كان من اختيار ريلي لاني وكلته بهالشي بس هو للايف مايه على باله قياس الغرفه و شفها وطلبها من الكتالوج بعد مااشراها انصدم بانه حجمها كبير واخذ مساحة الغرفة كلها تقريبا و تمشكلت يوم ييت بحط سرير البيبي او بضيف قطعة غير اليلسه او الاضاءات العموديه..
و يوفقج الغااليه و بالنسبه للمحل اللي سرتله تراه مفتوح يديد و هم عطونا كتالوجهم وشفت الويبسايت و دشيته.
و بالنسبه لاثاث السوق شي وايد من هالاستايل وشي من استايلات اللي ايي في ديزاين و شي من الدفشات بعد هههه
آمين اختي و يفقج ان شاء الله و مبرووووووك العرس مقدما
ما جني الا قلت قصة حياتي<<< مب مصدقة منزله موضوع
المشاركة الأصلية كتبت بواسطة أم كاكي بس ما اعرف عن الكوالتي
اشتري شي مجرب احسن
بس اظن انه صيني لاني شفت كاتلوج صيني تقريبا يشبه
ليش ما اتشوفين هومز ار اص بتحصلين نفس الاشيا تقريبا عنده
والله يوفقج في الاختيار
مرحبتين ام كاكي..
بالنسبة للكواليتي الستاف في المحل خبرونا انها 100% مضمونه والله اعلم اذا ما كانوا بس يبون يمشون بضاعتهم تعرفين بعد دعايات المحلات و كلمهم المعسول..
لا مب صيني تركي و التركي ع حسب كلامهم جودته فوق لانه شي من المحلات من اللي دشيتها من خلال لفاتي عاليهم عندهم التركي واسعارهن تقريبا فوق
ان شاء الله لي زياره لهومز آر اص بس تدريجيا يوم بحصل الوقت المناسب
آمين يارب.
مشكوره الغاليه ع ردج و ربي يوفقج ف دنياج و آاخرتج…….
