السلام عليكم بنات منو تعرف اسماء محلات ستائر نوعية حرير وشغلهم نظيف بأسعار معقولة في دبي او الشارجة محلات تبيع اقمشة الستائر وشكرا
الله يسامحكم ولا وحده ردت علي بليز محتاجه مساعده
اسمحيلي ما أعرف والله بس انشاء الله حد من بنات الشارجه ولا دبي يردن عليج…وبسأل ربيعاتي من دبي اذا خبرني على طول برد أخبرج…
في وايد محلات … بس ماشي فرق بين الأشياء الموجوده في محلات الستاير اللي في دبي واللي في الشارجه
لفيت عليهم اكثرهم
بس المكان اللي ممكن اتوفرين فيه انج اتسيرين سوق الغوير اللي في الشارجة .. اللي عند السوق الجديم .. عندهم كل انواع اقمشة الستاير اللي في المحلات الغاليه
ويخيطون بعد اذا انت عطيتيهم الديزاينات …
او بنت عمتي سارت اشترت القماش من هاي المحلات وسارت المحل اللي عندها الديزاينات اللي تباها وخاطوه لها …
بس فرق اسعار القماش وايد
يعني في سوق الغوير تلقين القماش الوار بـ 13 درهم والمحلات الغالية بـ 25 درهم
الله يوفقج
الصراحة انا ما بعرف
لكن بفكر اشتري قماش حرير من محلات الاقمشة في السوق المركزي و اسويهم لحالي لاني تعبت من كثر مو لاقية اي شي في السوق يكون ديزاينه تمام
و ان شا ءالله اتعلم لي كمن شغلة بالرسم على الحرير او اشوف حد يعرف يسوي رسم على الحرير يسويهم لي
اذا تبين نوعيه زينه ورخيصه ومحلات وايد صوب نايف بتحصلين وايد من هالسوالف واذا تبين تبدعين بروحج ترومين تسيرين مال القطع وتشوفين حراير وشيفونات وتودينها عند مال الستاير عسب يسوييلج ستاير..هذا الي قالتلي اياه ربيعتي….
المشاركة الأصلية كتبت بواسطة twinkle 
في محل اسمه الفارس وواحد ثاني اسمه حسين في فريج المرر في دبي