أم الريل وما أدراك ما أم الريل !!!!

ربيعتي طايحة في مشكله ويا أهل ريلها ومب عارفة شو تسوي وياهم.. والمشكله الأكبر إن ريلها واقف وياهم ضدها!!!

هم يحبون بعض بس المشكله إن أمه وااااااااايد غيورة وحقوده وراعية مشاكل.. تتدخل وايد في حياتهم وترز ويهها في كل شي .. الكل يعرف عنها ومحد يدانيها .. بصراحة هي تنرفز الواحد وترفع ضغطه..

تخيلوا حتى الخدامة تتحكم فيها وإذا ربيعتي طلعت الخدامة وياها مشوار للجمعية أو مكان ثاني تنقهر وتبوز في ويهها وتحرج عليها وتقولها ليش طلعتي منو قالج وليش ما تاخذين إذني؟؟ ترد عليها الخدامة الفقيرة تقول هاي المدام ولازم أسمع كلامها وشاورت بابا وقالي عادي سيري.. بس هي للأسف الشديد تقهررررررررر الواحد ..

ما أبغي أدخل في التفاصيل وايد بس باختصار صح إنها أم ريلها بس هي تحس إنها ضرة وناوية على خراب بيتها.. وبصراحة هاي ربيعتي وأعرفها عمرها ما قصرت وياها ودووووم تحاول ترضيها وتشتريلها هدايا إلي عمرها ما تنزلت تستخدمها أو تلبسها.. بس بعد ما يبين في عينها !!!

وريلها دوم يسمع كلام أمه ومخلنها الكل بالكل في البيت مع إن المفروض يكون البيت بيت ربيعتي وهي إلي تتحمل مسؤولية كل شي فيه..

شو رايكم بنات.. هي الحين طالعة من البيت وخذت الخدامة وياها بس ريلها ما تنزل يتصل فيها إلا عسب يقولها ردي الخدامة وانتي كيفج متى ما تردين!!! تخيلوا بنات كيف أمه مسوتله غسيييييل مخ وتبا تمشي رايها…