السلام عليكم الغاليات
ما ادري حد محتاس شرات ويا عيالها وكل يوم يتأكد عندها شعور قوي انها ام سيئة ؟؟؟!!!
المهم من مشاكلي ويا دراسة عيالي ولدي صف ثالث عنده مشكلة في كل شي وكنت قاعدة ادور على اي شي في النت عسب اساعده او بمعنى اصح علشان يساعد نفسه فيها لاني ما اعرف ادرس عيالي لكن ممكن ادرس عيال الناس صدق مصخرة ؟؟؟ الله يعني المهم قلت ادور شي يعلم جدول الضرب كامل من الواحد لين العشرة وها اللي حصلته يلله عشر عصافير بحجر واحد ان شاء الله اسمعوا واتأكدوا بنفسكم وااايد حلووو بس شغليه وانتي قاعدة على النت تسوين شغلج او تتفرجين وعيالج عدالج يلعبون يحلون واجباتهم يطالعون التيليفزيون الا ما يستفيدون ولو حتى رقم واحد بس على قولة العنجريز it’s a start 
وان شاء الله تستفيدون من الموضوع مثل ما اتمنى اني استفيد منه بأي طريقة كانت ,, والله يعينا جميعا على عيالنا ودراستهم والله يعين عيالنا علينا 
الموضوع طبعا منقول من مدونة احباب الكلتواية طرح الاخ الكريم ( كريم ) للامانة فقط ..
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
تسلمين ..و يزاج الله خير..
الله يسلمج ان شاء الله من الشر وان شاء الله تستفيدون منه
مشكورة
مشكووووره
فعلااااااااااا طريقة مفيدة وحلوة واكثر من رائعة …….
جزاج الله خير ويسر امورج وامور كل المسلمين ….
مشكوره جزاج الله خر