السلام عليكم
أول شي ابغي منكن الدُعاء
أنه الله يشفيني عاجلاً غير اجلاً
ويحقق أحلآمي ، ويرزقني بالزوج الصآلح اللي قلبي يتمنآه …’
واحينه مابطول عليكن يالغاليات وبخبركن بسالفتي أنا من سنه وشي مآ شآء الله
زاد وزني وبعدها بجم شهر قل وزني بس 4 كيلو واللي يشوف الأرداف وعند بطني، تقولن نزل وزني 20 كيلو ، ظهرلي خطوط لونها بنفسجي غامج وصار جسمي لونه اسمر مب اسمرار بسيط لا ، مقارنة بلون ويهي وأيدي تقولن بقية جسمي صار أسود ومن غير الخطوط البنفسجيه اللي مشوهه اكثر ، المهم ماخليت شي والا جربته، حتئ الخلطه الصابونيه اللي الكل يمدح فيها
ما شالت الخطوط البنفسجيه ابد، وبعد جربت
انواع الزيوت ومن غير اللوشنات بس بلا
فايده ، حتى كرهت اچوف جسمي، من أخلص سابحه ع طول ألبس وبعد ألبس شي طويل، ابتعدت عن الشورتات والفساتيين القصيره ، المهم هملت موضوع جسمي
ومن شهر لآحظت انه هالخطوط كلهآ
راحت ، وصار لون هالمنطقه قريبه من لون
جسمي البآقي ، يلست اتذكر انا
استخدمت شي يديد خلال هالفتره عسب كل
هاللوحه الفنيه تروح من جسمي ، اتذكر واتذكر ما وصلت لشي ، حتى وصلت
لأكلي ، قلت بعد يمكن نوع الأكل له دور
الا من جم اسبوع تذكرت اني استخدمت
صابونة الطآووس ، اتوقع أقل من شهر
استخدمتها، ولما رحت ابغي اخذ منها الكل
يقولي الشركه قاطعتنها ، من يوميين
مريت الصيدليه وسألته عن الصابون وقالي
شي ، بس استغربت من الشكل، قالي
هذا النوع يديد ، المهم انا خذته ، مآ شآء الله
هالنوع اليديد بعده احسن عن القديم، فيه
نسبة ترطيب قويه ، صارلي مرتين استخدمته
والله فيه فرق ف لون بشرتي ونعومتها
ونظارتها ، ومن غير انها تشد البشره المترهله ، والله بنات هالصابون شي خيال.. ومن تحطين الصابون ف جسمچ اتريا 10 دقايق وبعدها فركي بالليفه المغربيه..’
واتمنى يالغاليات إني افدتكن بتجربتي
بس ابغي من كل وحده تقرأ موضوعي
تدعيلي بالشفاء العآجل و بـ الزوج الصآلح ⇨ أهم شي
،
صورة الصابون … 4 حبات ف كيس وآحد وبـ 11 درهم
http://im42.gulfup.com/VmMj4.jpg
الله يشفيج ان شاء الله ويرزقج باللي تتمنينه
تسلمين فديتج
مشكوره
الله يشفيج ويرزقج الزوج الصالح
الله يرزقج اللي في خاطرج عاجل غير اجل
أنا وايد احب اقرا تجارب البنات.. خاصة اللي تحسين نيتها تفيد مش تتاجر..
بس شو صابون الطاووس.. ممكن تحطين صورة.. اول مرة اسمع عنها
ربي ايوفقج…
شوهي صابونة الطاووس
الله يرزقج فوق ماتتمنين يارب ياقادر ياكريم
مشكورة حبيبتي على تجربتج