بنات اخر فترة انا شفت مواظيع من عضوات الصراحه .. !!
الواحد يظحك عليهم والله تشوفونهم معصبين وحالتهم حاله ليش كل وحدة وصلت فيها ها الدرجة انها تقول مشكلتها ؟؟ ولا ليش وايد عظوات كاتبين مشاكلهن توصل 10 عظوات ف يوم واحد واونه هيلا اولاد .؟. شو يخصه ؟؟؟؟؟؟؟؟
شو السالفه !!!!!!!!!!!!!!؟؟؟؟؟؟
يعني ها قسم للمشاكل .. ! سواء كان ف القسم مليون مشكله او مشكله وحدة !!
ولا يعني محد يكتب مشكلته والقسم مجرد زينه او ديكور ؟؟ وماظن ان شي بس بنتين ف المنتدى عشان تقولون هيلا شباب ؟؟ لا ماشا الله يمكن فوق ال50 عضوه شي
يعني اسمحولي والله بنات يبون يسون من الحبه قبه .. ؟ على شو؟؟؟؟؟؟
اوك وحدة كتبت مشكلتها انتي ليش معورة راسج ؟؟ يعني محد ف ها الدنياعنده مشاكل غيرج ؟؟ يعني والله جد شي بنات يبون يحطون مواظيع بس مايعرفون عن شو يدورون الحجه !!!
وشي بنات يردون برد الصراحه اللي لايراويكم ؟؟ يوم انتي ماتبين تردين لاتردين
ولا لازم يعني توقعين حظورج بكلام مش حلو وتجريح !!!!!
يعني والله اتمنى ان البنات يشلون ف بالهم ان ها القسم ديكور !!
والوحده كيفها بتكتب عن ريلها ولا عن اختها ولا غيره { بس طبعا بحدود ماقولكم لا يعني اللي بتكتب انا احب فلان واحب علان انا معاها اذا هي رفضت الموضوع لكن اذا عن ريلها صارت مشكله ماظن انه عيب ؟؟؟ وبحدود يكون }
بس ان البنات ليش يكتبون مشاكلهن ومادري شو ..
الصراحه هم روحهم يسون لنفسهم مظحكه ..!
والبنات اللي يقولون مشكلتج تاليف و كلها خرط ع فكرة مب شرط مشكلة فلانه تكون غير عن مشكلتج وماظن ان كل بناااااات الدنيا مشاكلهن نفس الشي
ف آتمنى ان كل وحدة تنحاز لها الطريقه ف الرد تحترم نفسها لو شوي
يعني البنت مب ناقصه كلام وتجريح عشان تزيدونها
والسموحة !!
صح لسانج اختي
القسم للمشآكل والبنت مابتطر تكتب مشكلتهآ الا لنهآ ماحصلت حد تقولهـ غيرنا
وكلنا خوات
ومش شي حلو يوم انج تجرحين اختج
والسموحه ع القصور
بيض الله ويهج ………………وصدقتي مافي حد فهاي الدنيا ما عنده مشاكل بس يتفاوت من وحده لثانيه
شي مشاكل من تقرينها يفتر مخج تقولين راعيته كيف متحمله كل هااا وتحسين ان مشكلتها عويصه,,وشي مشاكل رغم تفاهتها(من وجهة نظر البعض)بــس اتضل مشكله وصاحبتها محتايه حل ولا كلفت نفسها وطرحتها فالقسم…
وبعدين الحريم عقلياتهم تختلف حسب دارستهم فيه اللي تعليمها عقدها وفي اللي ما شاءالله ماخلت شهادة ماخذتها وفي… وفي….. والبيئة اللي ياي منها الشخص بعد تلعب دور فتكوين تفكيره وتعاطيه مع مشاكل الغير..اول وتالي اللي عندها كلمت خير ونصيحه تسدحها اما اللي تبا تعق رمسه وتغث الناس ترى مب ناقصينج أخيرلج لو تدعين لصاحبة المشكله ان الله يفرج همهاااا أخيرلج اخذي اجر بدال ما تحطبين عظهرج اثم وراج قبر شبر Xشبر ويا الله بحسن الخاتمه
وبعدين نحن فرمضان تصدقوووو لان الكلمة الطيبه صدقه
[ألم تر كيف ضرب الله مثلاً كلمة طيبة كشجرة طيبة أصلها ثابت وفرعها في السماء تؤتي أكلها كل حين بإذن ربها]. إبراهيم 24 ـ 25.
الكلمة الطيبة صدقة
تثري المال،
وتنمي الرزق،
وتصل الرحم،
وتنسي في الأجل،
وتدخل الجنة فقد تكون تسبيحة أو ذكرا أو دعاء أو صلاة ..
الكلمة الطيبة سمة المؤمنين الصادقين والدعاة وشعارهم
(وألزمهم كلمة التقوى وكانوا أحق بها وأهلها وكان الله بكل شيء عليما ).
الكلمة الطيبة اختيار حكيم وانصياع تعبدي من قبل المسلم لأمر الله عز وجل امتثالا لقوله تعالى:
(وَقُولُواْ لِلنَّاسِ حُسْنًا) وقوله : (وَقُلْ لَهُمْ قَوْلاً مَّعْرُوفاً – وقال سبحانه أيضا
(فَقُل لَّهُمْ قَوْلاً مَّيْسُورًا)
وهذا اللي عندي ……وجمعه مباركه ع الجميع
السموحه
مشكورين عزيزاتي على ردودكم الطيبة
والحمدالله حد وقف وياي .. لان هاي كلمة الحق
والوحدة مهما كانت مشكلتها هي كاتبتنها هني عشان تساعدونها ولو بدعاء ع الاقل
عزيزتي…
القسم يحمل النقيضين…
مشاكل جـادة اصحابها بحاجة الى مساعدة عاجلة
و اخرى مجرد مشاكل وهميه تعرف انها وهمية من الوهلة الاولى
لذا… المشاكل الجاده تؤخذ بعين الاعتبار
اما الوهميه اما تحذف او تغلق
ومن الطبيعي ان يكون هناك معارضين لمثل هذا النوع من المشاكل الوهمية
صح كلامج اختي
وانا دوم افضل الوحده لي تتعامل ع اساس (( قل خيرا او اصمت ))
وعامل الناس مثل ما تحب ان يعاملوك !!
احترم مشاكلهن واقدر ظرووفهن وهذا المفروض
بما انه نحن خوات في منتدى واحد
والله يجزيج الجنه اختي الغاليه
والسموحه عالمداخله
المشاركة الأصلية كتبت بواسطة ÷ ~ امـ حمد ~ ÷ 
القسم يحمل النقيضين…
مشاكل جـادة اصحابها بحاجة الى مساعدة عاجلة
و اخرى مجرد مشاكل وهميه تعرف انها وهمية من الوهلة الاولى
لذا… المشاكل الجاده تؤخذ بعين الاعتبار
اما الوهميه اما تحذف او تغلق
ومن الطبيعي ان يكون هناك معارضين لمثل هذا النوع من المشاكل الوهمية