السلام عليكم والرحمة
شخباركم حبايبي ..عساكم بصحة وسلامة
حبيت اتخبركم عن ربيعتي تبا مني مساعدتهاا..
ربيعتي متزوجة من 5 شهور تقريبـاا..
قبل الزواج ماكانت تعاني من شيء يعني اللي أقصده إفرازات..وأفرازاتها كانت طبيعية..بس بعد الزواج إفرازاتها تميل للون الأصفر مع رائحة كريهه تشبه رائحة سمج مشوي..لدرجة أن ريلهاا قالها أن ريحة إفرازاتج فظيعه ..ومستحية تروح الدكتورة ؤتقول لو رحت مب عارفة شو أقولهاا..فتقوول هل يسبب في تأخر الحمل..؟؟هل بالماي والملح بيتحسن الإفرازات وما بتكون فيه ريحه..وهل هالدواء تساعد على هالشي dalacin vaginal ovule؟؟
وريلها دووم يقولها ليش ما تحملين ويقول أن فيها شيء..فبليز عطوني من خبراتكم عشان أخبرها وأريح بالهاا..وان شاء الله خير ياربي
الغاليه غلط اتخلي عمرها جذي .. الافرازات اتسوي امراض اذا الوحده اهملتها ..
خل اتروح للدكتوره وبتعطيها الادويه المناسبه لحالتها وكلها ايام وبتروح عنها ان شاء الله …
وعن شو اتقول لها اتقول لها عندي افرازات برائحه كريهه واغلب الظن عندي التهابات والدكتوره بتقوم بالواجب ….
لاتهمل نفسها مب زين وهالشي اكيد ياخر الحمل …
لازم تتعالج من الإلتهابات علشان الريحة تروح منها وطبعا هالشي يأخر الحمل وهي لا تستحي من الدكتورة ولا شي بس تقولها عندي افرازات وفيها ريحة وبس هي بتكشف عليها وتعطيها تحاميل ودواء انصحيها لا تهمل عمرها الله يعافيها يارب
اولا : الله يشفيها وتنحل مشكلتها .
وثانيا : هذي المشاااكل واردة دايما وخاصة عند المتزوجين حديثاا, يعني مش عيب ولا حرام تقولين للدكتورة (انا اشك ان عندي التهاب واريد علاج),بتكشف عليج وبتشخص الحاله ..لأن بعض الالتهابات تسبب تأخرالحمل والعقم بعد .
وثالثا : انصح العرايس والمتزوجات بشكل عااام ,لتفادي هذي المشكله ولو بنسبه 50% اوصيكن بالنظااافة الشخصية .. الحمدلله اكيد انتن مش مقصرااات بس بعد ,لاااازم تهتمين بنفسج وااايد لان هذا الشي محرج وأكيد الوحدة منا ماتبي الشريك ينفر فلازم العناية في كل وقت سوااء العاملة او ربت البيت, والموضوع مايباله سوى مطهر او صوابين خاصة بالمنطقة الحساسة من الصيدلية وتنشيف المنطقة على طول, والي بتزيد بالمسك بعد حلو .. والسموحة على الاطاااله .
مشكورين فديتـكم
بس يمغت أن مسك الطهارة. زين للي عندهاا التهابات.
لازم تعالجها الالتهابات لو اهمتلتها تاخر الحمل
وهي بعدها عروس 5 شهور ان شاءالله مافيها شي وتحمل
مدام ان ريلها مستعيل على الحمل
خليها تسير تتعالج عن الالتهابات وبالمره تسوي تحليل عالهرمونات كلها ثاني يوم من الدوره
وان شاء الله يكون كل شي طبيعي