السلام عليكم بنات
مالي غير هالمنتدى الغالي اللي دايما استفيد منه والخوات ما يقصرن وياي بنات انا كملت 26 يوم من ربيت من حوالي اسبوع احس الدم يوقف يوم او يومين وبعدين يرد ينزل شوي علا بني ويرد يوقف ابدا حتا شكيت بالطهر والمنطقة تحت مرتضة وتعورني ووحدة من الخوات قالتلي عن وحدة تمسح وسرت الها وقالت الرحم بعده كبير ونازل وايد وعادي يسوولج عمليه انا خفت واااايد ونفسيتي تعبت من ربيت كل يوم طالعلي شي ابغي شي ينزل الدم ويخفف الم المنطقة وشو لنزول الرحم ياليت تفيدوني من خبراتكن تعبانه نفسيا وجسديا
معقولة ليش محد رد علي
الدم يوقف لانج ما تشربين اشياء دافيه
شربي حليب بابونج او زعتر او ماي وحطي كم ورقه نعناع
الرضاعه تسحب الرحم وترده حاولي ترضعي
حطي مطاره وسكريها عدل
حطي زيت الزيتون في مله او كوب صغير وحطيه تحت ماي دافي بيدفى الزيت الزيتون وفركي بطنج واقري المعوذات لا تحاتي فتره وتعدي
شغلي بالليل قرآن
نزول الرحم حاولي ترفعي ريلج
حاولي تتجنبي الامساك
لا تشلي اشياء ثقيله
رضعي اعرف الالم لكن تحملي
لا تقعدي تفكري وتوكلي على الله
وبعد لاتنسين الحبه الحمرا لها مفعوول بتنظيف وتقويه الرحم
والحلبه بعد
مشكورات حبيباتي وما قصرتن والله احس بطني منتفخ وغازات حتا البيبي كله يصيح وما فيني حليب والبيبي كله يرجع ويصيح واحس ويع تحت لأني ما اهتميت بنفسي كنت أتحرك وأوقف فالمطبح وكله متوترة ومعصبة محد يساعدني. وأهلي بمنطقة ثانيه وعايشة مع ريلي فابوظبي ويبغيني أتنقل وياه وانا تعبانه ما اقدر علا الخطوط الطويلة
المشاركة الأصلية كتبت بواسطة كركر 
كل حرمه غير عن الثانيه فصعب انصحج
قعدي بيت اهلج على الاقل اسبوع تقدري تهتمي في نفسج ويكبر الياهل
ما فصوتي ورد الامارات دائماً تفيديني بنصايحج المشكلة فبيت اهلي محد عندي يساعدني غير أمي وبروحها مريضة والاسبوع هذا قلت بروح اقعد معهم بسبب الإجازة بس الوالدة بتسافر للعلاج الله يشافيها يارب فبقعد بروحي بس الغازات شو حلها اصوات فبطني انا كنت مترددة اعطي ولدي حليب بس انتوا بشو تنصحوني قلت بعطيه يساعده شوي لو مرة باليوم