الاجسام المضادة !!

سمحولي بدخل ف الموضوع بسرعة

انا ترقدت ف المستشفى 3 مرات و الرابع كانو بيدخلوني بس ماطعت لانه عندي ياهل ف البيت و اتعب من المستشفى
المستشفى بروحها نفسية خايسة

المهم
انا عندي نزيف و عندي الام ف بطني لدرجة اني ماروم اتحمل
دمي كان من 14 ل 11.5
الله اعلم كم استوا الحين
و اخر مرة يوم سرت المستشفى طلع عندي اجسام مضادة و كل مرة تتطلع عندي و محد كان ينتبه
يوم اقوللهم ليش ماتولدوني و تريحوني
اوين ف الاسبوع ال 33 الاطفال ما اييون مكتملين
رحموني
اخوان ريلي مولودين ف السابع و ماشاء الله تبارك الرحمن عليهم اذكياء
امي مولودة ف السابع و على ايام قبل ماكان في حضانات و ها الخريط
بنت عمي مولودة ( في الخامس ) وطايحة 500 جرام يعني الدياية اكبر عنها
و الحمد الله بخير و سهاله مافيها الا العافية و الحين ماشاء الله عليها عمرها 22 سنه
القهر انه المستشفى الي انا فيها يتريون شي يستوي للياهل و بعدين يولدوني
شو ها القهر!!!!
انا تعبانة نفسيا و جسديا
الاجسام المضادة ف الحمل خطيرة و هم يعرفون ها الشي !!!
لين متى المستشفى بتتريا
اذا كان على قولت المديرة مالتهم وزارة الصحة يبحاسبونها
اباهم يحاسبوني انا!!
انا الي احس بالالم
من اول يوم ف حملي و انا تعبانة
و كان عندي انفصال بالمشيمة و ردت نفس ماكانت على قولتهم
و على قولتهم الوظيفة مالت المشيمة مابتكون نفس ماكانت
اوكي شو يبوني اسوي
انا بيات مب بايته عندهم
و الله اني مقهورة قهر

وسمحولي وايد هذربت ف الكلام