مساء الخير ياحلواات
عندي كم سؤال للي مربيات قيصري
انا بجر وعندي سكري الحمل مرتفع ومن كلام الدكاتره ان الحوض صغير والبيبي كبير واحتمال اولد قيصري وميته من الخوف…وحابه اعرف كل شي عن القيصري…كم ساعه اقعد في العمليه؟والتخدير كامل او نص؟وبعد العمليه فيه الم او لا؟وين مكان العمليه؟
ياليت اللى تعرف تعلمني وجزاها الله الف خير
انا سويت عمليه قيصريه بنج عام
تعرفي اكثر شي يالم بعد العمليه مش الجرح لنه ماتحسين فيه ع طول تعبي من الم تحرك الامعاء من الغازات وااااو الم غير طبيعي وافضل حل له انه ثاني يوم العمليه تقومي تمشي ولالالاللكسل والا بتتعبي تعب لاحول والا قوة الا بالله
نسيت اقولج العمليه من يوم ماتتخدري لين يطلع البيبي عشر دقائق ولكن بعدين يطولوا فى الخياطه والتنظيف وع حسب تاثرك فى البنج يعنى تفوقي بسرعه او لا
انا عليا مااااافوق الا بطراقات خخخخخخخ يعنى عادي اتم مخدره 4او5 ساعات لكن فى التخدير يتموا بس يوعوج لنه خايفين من البنج
وكله تسهيل من الله
انا ولدت قيصري وكانت مدة خروج الطفل مب اكثر عن 10 دقايق بس مدة التنظيف واليزر وغيره يطول شوي ويخلونج لين ماتقومين بنفسج من البنج وطبعا البنج عام وبعد الولاده حسيت بالم شديد الصراحه فالعمليه يعني كنت احس انه بطني منشق وسوالف مابا اخوفج بس قلت الصدج ومكان العمليه يكون اسسسفل البطن ..
وحطي فبالج الالم كان يومين 3 بالكثير اسبوع والحمدلله عقب عادي ..
انا ولدت قيصري وكانت مدة خروج الطفل مب اكثر عن 10 دقايق بس مدة التنظيف واليزر وغيره يطول شوي ويخلونج لين ماتقومين بنفسج من البنج وطبعا البنج عام وبعد الولاده حسيت بالم شديد الصراحه فالعمليه يعني كنت احس انه بطني منشق وسوالف مابا اخوفج بس قلت الصدج ومكان العمليه يكون اسسسفل البطن ..
وحطي فبالج الالم كان يومين 3 بالكثير اسبوع والحمدلله عقب عادي ..
السلام عليكم ورحمة الله وبركاته
عزيزتي انا ولدت مرتين قيصرية بس كله تخدير موضعي و لا حسيت بالالم حتى بعد ما خاز عني البنج
و هو الافضل … و الحين حامل بعد بيكون قيصري بإذن الله .. لا تخافين عزيزتي و اطلبي تخدير موضعي و على فكره كل اللي خذوا بنج عام تعبوا بعد العملية سبحان الله … و الاطباء يفضلون البنج النصفي (الموضعي) …
و وقت العملية فقط ساعة كاملة و بعدها يخلونج لمده ساعه تحت الملاحظه …
و مكان ما اربي في مستشفى دبي (الحمرية)
و الله يسهل عليج لا تحاتين ^^