بنات انا اليوم رحت امشي عشان اونه دخلت التاسع من يومين تعبت وشفت الموت والجو زفت ارف ارف ارف
وصار لي شد عضلي في الرحم وتشنج قوي حتى كل شوي اقعد شو سبب هالحالة
شنو سبب التشنج
وابي اعرف القعدة العربية الحير زينة للحامل والا لا
هلا الغاليه
اغلب الدكاتره يقولن لاتمشن وتهلكن اعماركن فالتاسع دام الراس تحت
لانه حزة الولادة تكونين استهلكتي طاقتج كلها وتعبج كله فالمشي وها الشي ما يساعد فالولادة
اما بخصوص القعدة ما عندي علم بس الحمل اكثرهن يقولن تنفع بس الصراحه انا ما جربتها في الحملين الاوليين
والله يسهل علي وعليج
والله ما عندي علم انا بروحي قمت اوسوس الحين.
الله يسهل عليج و علي.
الله يسهل عليج
ولا تعبيين نفسج وايد
مب دايما المشي يساعد بالعكس يستنفد طاقتج
حاولي تشربين زعتر وحريروه
لا تمشين ف الجو الحار ,, الجو ارف الحين حتى لو مب حامل بتتعبين ..
امشي ف اماكن بارده ومكيفه ,, روحي المولات احسن .. امشي هناك ..
ومب لازم تمشين واايد وتهلكين عمرج ,, ع حسب مقدرتج .. ويوم الله بيريد بتربين ..
بالنسبة لليلسه ما عندي علم ما اقدر افيدج ..
مرحبا ختيه المشي زين عسب الراس ينزل في الحوض واليلسه العربيه اللي اعرفه
انها اتفيد قبل الولاده والله العالم
القعدة العربية مفيدة جدا جدا جدا،،
لأنها تساعد على فتح الرحم،،
نصيحة مني لج حبيبتي إتمسكي بأي شي بحديدة الدري أو خلي أي حد يمسك إيدج مثلا ريلج وإقعدي وأوقفي وكرري الحركة وااااااااااااايد زينة،،
وربي يسهل عليج ويسعد قلبج 