المقاديرحسب الكمية اللي تبينها
صدور دجاج من 5 – 6 تقريبا او دجاجة
بصل حبتين او اكثر
ثوم مهروس بعد حبتين او اكثر
صنوبر
سماق
الطريقة
تسلقين الصدور او الدجاجة وبعديت تسحبينها بايدج ( يعني تخلينها قطع صغيرة )
تقطعين البصل شرايح طويلة وتقلينها لحد ماتلين
واول ماتاخذ اللون الذهبي حطي الثوم وبعدها بدقيقة حطي الدجاج المسحب
ولما تستوي عندج الحمسة ( الخلطة ) حطي الصنوبر
بعد ما يستوي الصنوبر ذهبي شلي الحمسة من على النار
حطي عليها السماق وانتي تخلطينه عشان يتوزع
كل من كثرتي سماق كل من كان احلى
:1 (35):
عاد الحين الاختراعات والفن بيطلعون :1 (37):
ترومين تسوين سمبوسة او رولات بالخلطة هذه
او تلفينها في خبز ايراني او لبناني
والاحلى انج تسوين نفس ما انا اسوي
اشتري عجينة البيتزا من السوبر ماركت
اخلطي كاتشب مع مايونيز وشوية سماق
وزعيهم على العجينة وبعدين حطي الدجاج اللي سويتيه
سووها وادعو لي ان شاء الله بالتوفيق
اتمنى انها تعجبكم
ووداعة الله
ما شاء الله … طريقة سهلة وان شاء الله بجربها … تسلم ايديج
تسلمين الغاليه
<< مشتهيه مسخن الحين
مشكوووورة يالغالية وما تقصرين
فديتكم مشكورين على الردود الحلوة
وعليكم بالعافية والهنا
اتمنى ردودكم عقب ما تسوون الطبخة
طبخه عجيبه الله يطول عمرش
من يد ما نعدمها