ليش الحرمة تزعل وتجوفها مصيبة لو ريلها ما هداها ولا فاجأها ؟

جوفي اذا ريال من فتره لفتره يب شي حق حرمته مثل ساعه ولا يشتريلها لبسات بروحه من ذوقه
انا ممكن اعدي سالفه المناسبات
بس ميح لا يب شي وبعد يسوي عمره اصمخ قبل المناسبه ها يباله قذيفه ع بوكهه هههههههههههههه

انا معاج اختي مب لازم الوحده تسوي بلبله عشان هديه !
اهم شي الكلمه و المعامله الطيبه ،،
بس عالاقل اييب بين كل فتره والثانيه مب لازم فكل مناسبه
بنت الاوادم ذابحه نفسها تفكر فهديه و تيمع بيزاتها وتاخذله
و السي سيد مب مفتكرها حتى بورده ، قووويه عاد

لكل زوجة

اعتبري كل شيء يسويه لج ريلج هدية
كل كلمة ويلسته معاج ووقته وأنه يأكل من طبخج ولا يلعب مع ولدج قدري كل صغيرة وكبيرة منه ووقفي شكوى من العيال
ودام يشكرج ع تعبج وجفتيه عندج بعد ولادتج
ويتصل بج وقت غيابه … اعتبري وجوده معاج أكبر هدية
مرة قلت لريلي ما قمت تييبلي هدايا شرات قبل ما نعرس
قام يقولي انا كلي هدية لج ههههههه ومن يومها خلاص قلت بعتبره هدية لأن صدق ما مقصر ووجوده أحلى هدية وما أتخيل الحياة لحظة بدونه أما الورد والشنط والسوع تولي دام هو مب مقصر
كبروا عقولكم وتشكرين ع الموضوع

تحس انه نساها و انها مش على بالها،،،
بس بعدين تتعود لما تشوفه هو اساسا بارد المشاعر و الاحاسيس،،،

انا معاج اختي بكل شي قلتيه
لكن اشوفج زودتيها على الحرمة ووصفتيها بالمعقدة😅
يعني بعض رجال يبالهم قذيفة فوق روسهم علشان يحسون
مول لا يعرف مناسبات او غير مناسبات
يا اخي الهدية بدل تعبها بدل حملها وسهرها لانها صانت بيتك ووعيالك تقدير مب اكثر
ابدا ما يفهم حتى لو كلمته بموضوع الهدايا خلاص بير مقفول ما في استجابة
صحيح ما بيكون مقصر معاها من ناحية الماديات والفلوس
بس الهديا لها طعم غير

صح كلامكم ،،احسن الواحد يسوي خير لوجه الله قبل كل شي ، عشان اذا صار تقصير من احد الاطراف ما تيلسين تتحسرين ع عمرج لانه اوريدي انتي مسويه خير فيه لوجه الله.

بعدين الهديه تعتبر شي مادي وبسيط صح انه تاثيره كبير لكن ممكن اشياء ثانيه معنويه تغنيج عنها ،،الله يهديهم ههههههه اصلن نادرا ما تحصلين رومانسيين يتذكرون حريمهم ويسوون لهم مفاجآت