السلام عليكم بنات
انا وحده محتشمه حشمه كامله قبل لا اعرسً
عباتي عباة الفراشه .. والبس فوقها خمار
و الشيله ساااااده .. والبس غشوه طبعا ساده
والنعال دائماً اسود .. وإذا تحنيت البس قفاز
بس ريلي ع كل شي يطّلع غلط يقول زينه
يعني العباه .. فيها فصم صح !! يقول ان هالخط مال الفصم زينه لان مسوي خط ع صدرج مع ان مؤول ما يُبين .. أقوله بدون هالشي كيف بلبس العباه يقولي مافي طريقه ثانيه ان ما يكون موجود
و الخمار .. البسه ع الجتف .. تعرفون فصم الخمار كيف .. فصمتين .. يقولي هذا زينه و ملاحظ .. مع ان اهلي ربعي مادرو أني البس لين ما شافوني البسه يداامهم
مب عااااارفه شسسسوي بليييييز انصحونيييييي .. والله موعد حيلي
نحن مخطوبين .. وهالشي بياثر يمكن ما نكمل مع بعض
بلييييزززز ساااااعدووووووننننييييي
عليكم السلام
هلا فيج
حبيبتي ترى ماكو مشكلة قولي الحمد لله ان في ريال يغار عليج
وينصحج للخير وانتي اعملي اللي يرضي رب العباد
مافيها شي وتلاقي ريلج شايف اهله لابسين عبايات معينة
فحاب تكوني مثلهم او من حبه فيج ياعسل
وانتي يوم تعملينها اعمليها لله ولازم يعرف انج تتبعي شرع الله قبل كل شيء
فديتج الموضوع سهل مايحتاي هالرمسة مابنكمل مع بعض
الحياة جدامكم بتقابلوا صعوبات من اولها تأثرتي
لا يالغلا الحرمة فينا تحب ان ريالها يخاف عليها ويغار عليها ومايبي اي شي يبان الا له
يدل على حبه لج يالغالية
والله يوفقكم يارب ويجعل ايامكم سعادة
في مثل يقول : كبرها تكبر … صغرها تصغر
والامور سهالات
بشرينا عقب
هيه اختي انا جي مثل ما قلتي بالضبط
بس هو
هو اللي يقول ان ما بنكمل مدام هالشي موجود
لا ماشاف شي .. بس هو يباا شي أحسن
أقوله قولي وبسوي اللي تبااه يقولي ماعرف
بالعكس الستر من نفسي كل شي سويته لوجه الله
يعني لنفسي اول شي
بس هو شوفي شنو يقولي مب عاارفه شنو اسوي .. شنو اسوي ف العباه والخمار مادري
المشاركة الأصلية كتبت بواسطة انستا 
بس هو
هو اللي يقول ان ما بنكمل مدام هالشي موجود
لا ماشاف شي .. بس هو يباا شي أحسن
أقوله قولي وبسوي اللي تبااه يقولي ماعرف
بالعكس الستر من نفسي كل شي سويته لوجه الله
يعني لنفسي اول شي
بس هو شوفي شنو يقولي مب عاارفه شنو اسوي .. شنو اسوي ف العباه والخمار مادري
شوفي حبيبتي رزم تقويي قلبج كثيييييييييييير
ونصيحة انا ريلي من الملجة كثير يقول مابنكمل على امور ماتستاهل وربي
لكن كنت اسكت مااجادله عشان لاتكبر السالفة
وصرت اشاور ربيعاتي اهل الحكمة وتعلمت وصبرت حتى علمته ان الحياة
حوار ونقاش ولو مااعرف شي مب عيب مايعلمني
انتي اللي انتقده في العبايه غيريه واشتري لج عباية مافيها لون ولا خظ ولا زخرفة
ولو شفتي اهله لابسين عباية ساترة اشتري مثلها
ولما تحصليه جذي رمسته قولي الامر بسيط ابشر
الامر سهل لاتكبر السالفة حاضرين للغاليين
جم عندي فلان بالدنيا
يعني خذي الامور ببساطة جدامه عشان يعرف ان هالامر بسيط
مايحتاي نكبر السالفة وهي صغيرة
والله اخوي شاف الخدامه نازلة بعباية فيها خط اكل امي بقشورها
قال والله ماتركب بسيارتي وديها للدكتور مع اخوي الثاني
وزوجته قسم جننها لما لبست عباية ع االراس وساترة
وهي بالاصل ماتلبس بس خيرها ياانا وتسمعين كلامي وتلبسي هالعباية
ولا كلن بطريج
وخلاص فهمته الحين قالت بأمور الدين ماشيه معه
ولو حتى غلط معاي اكون باردة لانه واضح ريلج شوي معصبه هلامر
لكن واضح ان السالفة ذي مهمة جدا عنده حاب يحلها وياج قبل العرس
والله يوفقج حبيبتي من باجر روحي اشتري العباية
وارسلي له ع الواتس فاجئيه
قولي له مسوية لج مفاجأة
وارسلي صورة العبايه وان شاء الله بيستانس من فعلج
ومع الكلام فهميه بحكمة ان الامر جدا سهل
ترى الريال مثل الطفل خذيه بحكمة وسياسة بيكون وياج العمر كله
وبشرينا عقب لاتنسينا 
حبيبتي
انا ما البس العبايه اللي في نقش و زخارف وجي
سااااده كل شي والله
بس تعرفين لازم يكون فيه فصم العباه عشان تلبسينها ادخلين رااسج فيها
هو هالفصم يقول انها زينه .. أنزين بدونها انا كيف بلبس العبايه
حتى الخمار نفس الشي .. معترض ان فيه فصم وهالفصم زينه
بس فصمتين فوق صوب الرقبه والصدر عشان اقدر ادخل راسي والبسها
والخمار عادي البسه شرات الجاكيت بي هو معترض ع الفصم
ممكن تنزلي لي صورة عن هالعباية
عشان استوعب شكلها