الحرمة واعليها عليي يحليلها !!!!!!!!!

هلا والله ملايين باللي يقرأ موضوعي ولايسدن
اليوم بتكلم عن جهاد امرأة اللي هو عند ما الحرمة ترد من دوامها وتكون فقمة تعبها وإجهادها طبعا تكون راده مثلا عالساعة 2:30 الظهر أوبعد حسب الأماكن وطريق العودة إذا كان زحمة وإلا لا ؟ فتدخل عشان تاخذ دش وتترتب وتتعطر وتدخن ووبعضهن يتمكيجن وكل هذا عشان سي السيد يرتاح لأن هوبعد بيكون راجع من الدوام وأكيد مايبا يشوف وحوش في البيت انزين بعد ماخلصت تعديلها أكيد هالشي بياخذ منها وقت أكثر من ساعة وبعدها بتتغدا مع بوالشباب وبعد لازم تقابل عياله
يحليلهم اللي ماشافوها طول اليوم وفنفس الوقت الريل يبا حد يقابله بيروح الغرفة يسترخي ويبغي مساج أوحقه الشرعي مثلا وكل هذا والحرمة ميتة من التعب ولوماعندها حد في البيت تقابله كان من ترد من دوامها بترقد في الصالة وبعباتها من التعب ههههه بس المشكلة ريل وعيال طالبين حنانها إن سارت للريل خلت لعيال وإن سارت للعيال الريل بيحتشر وتخاف يسير يشوف برع البلاوي لاسمح الله فذمتكم هالزمن تحسون إن الحرمة مرتاحة لاتقولوا لي تنظم كيف تنظم والكل حواليها يطلب حبها وحنانها واهتمامها وهي ترجع من الدوام ونص اليوم راح وخاصة إذا كان الوقت فترة مدارس وريلها يداوم ويوميا في البيت فهل في نظركم عمل المرأة ضروري ؟وهل يجب على الزوج أن يغفر لزوجته تقصيرها أو جزء من تقصيرها ولوإنه فهاالزمن مافي حد يراعي تقريبا كلهم يدورون زلات ع الحريم ؟
وهل المرأة رجل آلي لايرغب هو في الراحة ؟ حتى الرجل الآلي لوشغلناه طول اليوم بينفجر
أرجو التفاعل للاستفادة من الموضوع وخاصة الحريم اللي يداومن جاوبن وبكل صراحة كيف يمضي عليكن اليوم خاصة فئة المدرسات واللي تدخل ماتطلع رجاء إلا وهي رافعه الموضوع وكلي شكر لمن تساهم وترفع الموضوع

صح كلامج الريال يبا الحرمه تكون سوبر ومن

للرفع

بس يمكن شي حريم يقدرون

أنا من رأي ان الحرمه اللي امورها الماليه ميسره او تعتقد انها تشتغل بغرض الترفيه عن النفس وشغل وقت الفراغ فهذي الفئه من الحريم قاعدين يقصرون ببيوتهم ويظلمون اللي حوليهم

بس فئة الحريم اللي محتاجات للشغل او اي ظروف ثانيه تجبرها علي الوظيفه فأعتقد انها تقدر توفر من راتبه راتب الخدامه علشان تساعدها بالبيت وبالعيال
ومثل ما قلتي ما في حل جدامها الا انها تقسم وقتها بين الزوج والعياااااااااااااااااااااااااال
وتدري شو بعد اللي يكسر الظهر انه الحرمه هههههههههه ما شاء الله يكون عندها درزن عيال وماشاء الله وراء بعض فهذي النقطه لازم تراعيها انا ما اقول ما تحمل ولا تربي لا بس تنظم عملية الحمل والانجاب علشان تقدر تسيطر علي الوضع لانه جدا صعب توزع وقتها وحنانها بين مثلا خمس او ست افراد ويمكن اكثر
بطريقه هذي تكون فعلا قاعده تحمل نفسها اكثر من طاقتها خاصه اذا كان الريال من النوع اللي ما يراعي او يساعد علي الاقل بتقديره لجهود حرمته

أنا أفضل إن الحرمه ماتشتغل ..

دام إنه زوجها مايقصر معها ومع عيالها الأفضل لها تقابل بيتها ..