شحالكم خواتي..
أتمنى ألاقي تفاعل مع موضوعي لأني فعلا في حيرة من أمري..
ولدي الله يحفظه عمره سنتين وثلاث شهور..
من فترة بديت ألاحظ أن وحده من عيونه تفتر شوي.. وديته عند دكتورة قالت لي عنده انحراف وضعف في عضلات العين اليمين،، والحل تغطية العين السليمة ساعة يوميا عشان يعتمد على العين الضعيفة وتقوى عضلاتها..
المهم،،
بعد شهرين (اليوم) وديته قالت لي الانحراف زايد عنده 
والصراحة أنا ما التزمت بالتغطية بالشكل الصحيح، وهي الله يهديها ما نبهتني أني لااااازم أغطيها كل يوم..وأني إذا نسيت يوم واحد ممكن يكون له تأثير سلبي…
حاليا بدت لي علاج جديد..
نظارة لمدة سنه – طول اليوم – (تخيلوا)
والاستمرار في تغطية العين السليمة لمدة 3 شهور لمدة ساعة يوميا…
وفوق هذا كله ممكن يحتاج عملية بعد السنة…
وأنا في حييييييييييييييرة من أمري..
مب متقبلة فكرة النظارة،، كيف أخليه هو يتقبلها…؟؟؟!!!
وما أقدر أطنش أخاف الموضوع يتطور ويزيد الانحراف أكثر وأكثر ويصير حول..
مبدئيا قررت أوديه عند كذا دكتور أشوف أكثر من راي..
في بالي المستشفى الأمريكي في دبي..
وقريت عن مستشفى مورفيد للعيون في مدينة دبي الطبية..
ولجأت لكم عشان اللي صادفت ها الحالة تقولي كيف عالجتها بالتفصيييييل الممل،،؟؟
وكيف كانت النتيجة،،؟؟
ووين؟؟؟؟؟
ياليت ما تطنشوني لأن حالتي النفسية وايد تعبانة من التفكير،،
بس في النهاية أقول الحمد لله رب العالمين، والشفا بإيد الله…
معقولة ولا وحدة عندها خلفية عن الموضوع؟؟؟!!!
الغاليه ما عندي خلفيه عن المستشفيات اللي ذكرتيها بس بنت اختي كانت يوم اصغيره اذا اتركز في شئ يحدث لها حول بسيط في عين وحده ولبست نظاره وهي عايشه على النظاره ما سواا لها عمليه بس الدكاتره ادرى بحالتها الله يشفيها لج ولا اتخافين وايد ناس ما يشوفون ويوم سوا عمليات شافوا في مستشفى نور دبي اللي دعايتها ماليه التلفزيون
حبيت ارفع موضوعج عسب البنات يشوفونه ويساعدونج
الله يطمنج على بنتج
مرحبا أختي
انا ولدي كان عنده انحراف في عينه
وديته كذا عيادة بس بعدين استقريت على المغربي للعيون في دبي
وعالجته هناك
وكتبله نظارة + تغطية للعين
في البداية ما كنت متقبلة الفكرة ولا حتى ولدي متقبلنها صغير وما يفهم
بس شوي شوي تعود عليها
والحين الحمد لله عيونه في تحسن
وولدي ما يحتاي الى عملية
مجرد نظارة والحمد لله في تحسن
وبعد وديته تايلند مستشفى العيون هناك
وقالولي نفس الرمسة بس انا وديته عسب اطمن أكثر
والحمد لله على كل حال
نصيحة اختي لا تهملين علاجه كله ولا العيون
لاسمح الله يزيد عنده الانحراف وتضعف العين
عالجيه من الحين وتوكلي على الله لانه في الاخير هالشي لمصلحته سواء تقبلنا النظارة اولا
المشاركة الأصلية كتبت بواسطة تفاحه حمره 
حبيت ارفع موضوعج عسب البنات يشوفونه ويساعدونج
الله يطمنج على بنتج
مشكورة حبيبتي على الرد…
والله يطمنكم على البنت يارب..
بالنسبة لنور دبي،، كيف الوحدة تراجع عندهم؟؟؟
يقولون ما شي علاج للمواطنين…
المشاركة الأصلية كتبت بواسطة أم عذاري انا ولدي كان عنده انحراف في عينه
وديته كذا عيادة بس بعدين استقريت على المغربي للعيون في دبي
وعالجته هناك
وكتبله نظارة + تغطية للعين
في البداية ما كنت متقبلة الفكرة ولا حتى ولدي متقبلنها صغير وما يفهم
بس شوي شوي تعود عليها
والحين الحمد لله عيونه في تحسن
وولدي ما يحتاي الى عملية
مجرد نظارة والحمد لله في تحسن
وبعد وديته تايلند مستشفى العيون هناك
وقالولي نفس الرمسة بس انا وديته عسب اطمن أكثر
والحمد لله على كل حال
نصيحة اختي لا تهملين علاجه كله ولا العيون
لاسمح الله يزيد عنده الانحراف وتضعف العين
عالجيه من الحين وتوكلي على الله لانه في الاخير هالشي لمصلحته سواء تقبلنا النظارة اولا
مشكورة الغالية على الرد…الله يشفي ولدج يارب…
زين ياليت تفيديني أكثر، شكثر بيتم ولدج لابس النظارة؟؟ وكم تميتي تغطين عينه؟؟
وعندج فكرة عن درجة الانحراف اللي كلنت عنده؟؟
وشو اسم المستشفى اللي رحتي له في تايلند..؟؟
ومشكووووورة الغالية على الإفادة…
الغالية عندج في شارع الوصل في دبي عيادة الطب الملكي الأستشاري في طب العيون والحول صراحة وايد شاطر واسمه دكتور باقري وحدة من اهل تعالجت عنده حاولي تراجعينه