السلام عليكم
الغاليات انا بنتي ربي يحفظها عمرها 4 شهور
فيها كحه و بلغم وايد متعبنها كحنها مواصله و البلغم محشش في صدرها
اذا عندكم وصفه مجربه غير لادويه لان جربت كل شي ما يابها شي ربي يسلامها
انتظركم اختكم ام غريبه
هلا الغاليه
كوب ماء مغلي
نص ملعقة كركم مطحون
شوية حلبه غير مطحونه
قطعه صغير اللبان مال الأكل مش الدخون
خليهم في الكوب منقوعات واعطيها تقريبا 2 مل بالابره أو 3 مل ما يضر
بس تكون الخلطه دافيه علشان تذوب البلغم
اذا اعطيتها بتلاحضينها ترجع كل البلغم ويطلع كله من صدرها وبترتاح بس في البدايه بترجع يعني مره او مرتين لا تخافين
أنا استخدم هالخلطه حق اعيالي من 8 اسنين والحمدلله مايطول الزجام فيهم
وبعد نسيت أخبرج انا استخدمت خلطة في المنتدى وايد مفيده حق الكحه والبلغلم
تدهنين صدر وظهر المريض بفكس وخل تفاح وزيت زيتون والحمدلله راح البلغم من أول مره
الفكس اللي استخدمته مال السعوديه اللي بالحبه السودا لونه أبيض وغطاته خضرا
بس بنتج صغيره لا تحطيلها فكس بس زيت زيتون وخل تفاح وان شاء الله خير
وما تشوف شر ان شاء الله
اختي ترا لازم تفهمين انة للكحة فوائد وايد وهي احيانا تكون طرد لجراثيم وطبعا عرفتو انه تم منع بيع ادوية الكحة للاطفال في المستشفيات والعيادات الحكومية عندنا في العين طبعا لان السبب انة مالها علاج وان الكحة مش مرض بس عارض لمرض اخر مثل البرد او الالتهاب او الاحتقان طبعا الله يحفظة ولدج فية احتقان انا استعمل مع عيالي زيت الزيتون ادهن فية صدرهم واشربهم شويت لبان منقوع في ماي ولان ولدج صغير حاولي اتلحسينة شوية عسل وادهني صدرة بزيت زيتون ومعاه حبة السوداء وزيت السمسم وانشاءالله فية الشفاء بس لاتخافين
سلامتها ما اتشوف شررررررررررر
هلا الغاليه
كوب ماء مغلي
نص ملعقة كركم مطحون
شوية حلبه غير مطحونه
قطعه صغير اللبان مال الأكل مش الدخون
خليهم في الكوب منقوعات واعطيها تقريبا 2 مل بالابره أو 3 مل ما يضر
بس تكون الخلطه دافيه علشان تذوب البلغم
اذا اعطيتها بتلاحضينها ترجع كل البلغم ويطلع كله من صدرها وبترتاح بس في البدايه بترجع يعني مره او مرتين لا تخافين
أنا استخدم هالخلطه حق اعيالي من 8 اسنين والحمدلله مايطول الزجام فيهم
مرحبا الغاليه مشكووووووره فديتج على الوصفه و ربي يسلم لج اليهال من كل شر
وبعد نسيت أخبرج انا استخدمت خلطة في المنتدى وايد مفيده حق الكحه والبلغلم
تدهنين صدر وظهر المريض بفكس وخل تفاح وزيت زيتون والحمدلله راح البلغم من أول مره
الفكس اللي استخدمته مال السعوديه اللي بالحبه السودا لونه أبيض وغطاته خضرا
بس بنتج صغيره لا تحطيلها فكس بس زيت زيتون وخل تفاح وان شاء الله خير
وما تشوف شر ان شاء الله
مشكوووره الغاليه
و انا قالت لي يدوه الفكس لا تحطينه للبنت لان سالتها مره لان قلت هو زين للكبار فبينفع لليهال
على العموم مشكوره