السلام عليكم
تذكروا اخواتي سبق وكتبت عن مشكلة ابني الي مايتكلم الا كلمات قليلة الحمدلله وديناه امس للدكتور علي لوتاه وفحص عليه وطمئننا ان حبيبي بخير وتاخر الكلام عنده طبيعي لانه وحيد
فشكرا لتعاونكم معي .
انا كان عندي ابني الصغير كده واتعقدنا لدرجة اننا افتركنا انه مش هيتكلم خالص .. دلوقتي في كي جي تو .. أجارك الله مبيسكتش دماغي بتصدع من كتر كلامه وامس كان بيقولي انتي عارفة لو معملتيش كذا وكذا انا هصدعك .. وفضل يغني ويعمل أصوات عشان يصدعني وأنا طبعا عشان أغيظه قلت له الله صوتك جميل مش بيصدعني وفضلت أرقص رقص عبيط وهو يضحك عشان معرفش يضايقني وبعدين قاللي خلاص أنا هسامحك ومش هصدعك
مشكورة اختي امارات عشقي انا على مرورك ومشاركتك الله يخليلك ابنك وتفرحي فيه ان شاء الله
كلام الدكتور صح
دايم الطفل الوحيد يتأخر في الكلام, كنت احاتي ولدي الكبير ما كان يتكلم وايد و كنت دايم اسأل الدكتور يقولي عادي دام انكم بعد قاعدين بروحكم ما وياكم احد. و مره قالي ودي الكويت عند اهلك يلعب مع اعيال اخوانك يكتسب اللغه منهم.
و كلامه صح والله.
انا الغاليات ولديه لين الحينه عمره سنتينوعشر اشهور وما ايقول الاكمن كلمه واكثر كلامه مش مفهوووم …..وافكر ادخله الروضه السنه اليايه شو الحل …اوديه عند دكتور ولا لا…وهو هب وحيد في البيت ما شاء الله ناس وااايدين وانا وياه وارمسه دوم بس ماشي فايدة…
أنا أختي لما يابت ولدها الثاني تخيلي كمل عمره سنتين ونص وما تكلم
وطبعا الاهل الكل يقول لها ولدج ماراح يتكلم وبصراحه هي ما اهتمت كانت تقول اذا الله كاتبله يتكلم راح يتكلم
وبعد 3 سنوات سبحان الله قام يتكلم
والحين عمره 12 سنه ولسانه طويل
الحمدلله 
صبري عليه انتي وبتشوفينه بيتكلم لين ما اتقولين له بس بس خلاص ارحمني هههههههههه
دوم جي نحن نستعيل على شي ويوم اينا هالشي انقول لالالالالا ونتحرطم
هههه
الله يخليه لج وعقبال ما اتشوفينه معرس ان شاء الله