السلام عليكم و رحمة الله و بركاته
خواتي عندي استفسار بخصوص الحضانات..
انا ساكنة في منطقة قريبة من الشهامة وابغي ادخل ولدي الحضانة
مشكلة هالمناطق ماشي غير حضانة الدانة.. يمدحونها وايد بس يوم رحت ما عيبتني وايد.. 
وفي خليفة كم هااائل من الحضانات.. وفي كذا وحدة عجبتني.. 
احيانا احاتي الدرب وهالشي اللي مخلني اتردد اروح خليفة آ
شو رايكم في هالحضانات (حضانة الدانة فرع الشهامة ) حضانة ( كير اند شير) .. حضانة همتي دمتي.gif "12 (49)")
واذا تعرفون حضانات ثانية ممتازة.. بليييز شووروا علي ( موو بس انجلش … يهمني انهم يعلمونهم على الدين) 
.gif "12 (45)")
لا اله الا انت سبحانك اني كنت من الظالمين
عيال اخوي فالدانه وحرمته تقول ممتازه وتعليمهم زين بعد
حضانة الدانه ماانصحكم فيها.انا كنت بسجل ولدي فيها ويوم دخلت حصلت مدرسه تصرخ عليهال واعتقد انها مواطنه واليهال خايفين منها
نا بعد .. كنت ادور حضامه لبنتي و دخلت الدانة انا و ريلي زين ما زعت
الريحة تلوع بالجبد و تحسين ما شي اهتمام
نصيحه روحي و شوفي الحضانه بنفسج من غير موعد …
دخلت همدتي دمتي بعد ما ارتحت بس للامانه ما شفت شي!!
ماعرف اذا شي حضانه تعلم عربي و دين…
سوري ادري اني ما فدتج .. بس الدانه لا لا لا بليييز
اختي انتي مثل معاناتي تماما حضانة الدانه الي بالشهامة ما عجبتني وخليفه بعيده علي .. وخايفه ومتردده وين اقدر احط ابني بمكان امن ومريح ويستفيد منه .. رسومهم مرتفعه والمكان ما يسوى بالدانه كنت بفكر اخليه بالداانه الي بخليفه بس الدرب مخليني اتردد
وانا كنت اودي بنتي حضانة الدانة
ابا حضانة اتعلم انجليزي اوكي
باخذ لي لفة ع حضانات الشهامة