گيف اغير تصرفات خطيبي

‏https://forum.uaewomen.net/showthrea…ط±-طھطµط±ظپط§طھ-ط®ط·ظٹط¨ظٹ

مشگورات ويزاگن الله خير 🙏🏻🌹اللي ردن على الموضوع السابق ،،
بس اني ابغي اوضح شىء ان العيب مب فيه ترا يمكن بس العيب ان استحي ،،، اني قد كلمته وعزمته على البيت وخبرته اني ابا اتفاهم وياه ومن هالكلام بس رفض وقالي نتكلم بالفون احسن ،،وكلمته بالفون وطلبت يكلمني عن شخصيته ورده على طول عقب الزواج بتعرفين 😑 المشكله اني مابا هليه يدخلون امبينا لاني طلبت منه ان هله وهلي ما يدرون باللي يصير امبينا جان زين ولا شين ومابا اطيح من عينه على طول 😢 وربي انا مقهورة حيل حتى يوم مرضت ما ييا البيت يشوفني وعقب قلتله عنبوه حرمتك اسبوع تمت ميهودة ولا قلت بخطف اسلم عليها رد عليه انتي تقولين انج بخير 😔 انا دوم اسكت عنه واطوف عسب ما اسوي مشاكل وادعي ربي 😇

يمكن من النوع اللي ما يتكلم وايد

يمكن من النوع اللي مأجل كل شي عقب العرس

يمكن الريال كتوووم ووايدين من هالنوعيه

يمكن ما يعرف يقول او يعبر عن نفسه او مشاعره

واااايد احتمالات

دام الريال واهله ناس طيبين وانتي خذتيه بقناعه تامه وتحبينه

خلاص افهمي شخصيته عقب الزواج

اصلا ما تعرفينه الا بعد الزواج والعشره

عقب حتى يوم مجرد يرفع عينه بتعرفين ليش رفعه عينه وحق شو رفع عينه لهدرجه بتعرفينه تخيلي

كيف يعني يستحي !! يستحي من حرمته !!!

ممكن ريلج جي متربي بيئته غير عن بيئتج

ممكن هو ما يروم يمسك عمره ( اسمحيلي عالتعبير ) صدق و الله شي رياييل ما يرومون و ما يتحملون

فعشان جي يرمس حرمته بالفون

انا جي احس

ممكن تتفاهمين معاه بالفون ,

عندج السناب جات وااااااااايد طرق تواصل صوت و صوره

بقولج شي الريال ما يداني اللي تحن عليه و اللي تبا تغيره

دامه شاريج و يباج بس هالشي عيبه عااااادي وااااايد عادي

قوليله خذت لك شي مفاجأة بس مرني دقيقة

او حمسيه يشوفج قولي مآشا الله علي محلوة اليوم استشورت و شارية بدلة يديدة

سويت قصة لشعري ولا تطرشين له صور قولي أبا اكسب شوفتك