يومياتي في السنة اليديدة وبإرادة اقوى بإذن الله تعالى

السلام عليكم ورحمة الله وبركاته …

كيف الحال خواتي .. وكيف حال زميلاتي القدامى .. عساكن بخير وعافية ورشاقة ..

الحمد لله مر ثلاث شهور بالضبط ع عرسي .. ورجعت لكم وياي شوية كيلوااات يديدة ..

آخر عهدي في المنتدى كان وزني 69 والحين ميزان بيتي يقول .. 75 ..

وميزاني القديم في بيت ابوي يقول 77

مضطرة اعتمد ميزاني الحالي … وأبدأ أتوكل ع الله ..

وارجع من اول وامسك الخمس ست كيلوااات قبل لا يصيرووون … عشرين وثلاثين كيلوووو ..

في الفترة هذي .. انا اعترف اني انجبرت ع التدمير .. والعزايم ما قصرت وياااي …والمطااعم ما قصرت طبعا ..

بس الحمد لله ان الزيادة يت ع هالكم كيلوو … اللي برجع انزلهم وياااكم …

هدفي الاول .. خمسة كيلوووو .. ويمكن يكون الاخير .. حسب الظروف يعني ..

يومياتي في شهر فبراير

بسم الله ابدا .. طبعا انا بديت من امس ..بس بحط تقريري من اليوم ..

الريوق ..

علبة عصير تفاح غير محلى + شريحه جبنه قليلة الدسم ….

ولي عودة مع لتكملة التقرير ..