السلام عليكم خواتي.. شحالكن؟؟؟
حبيت أطرح عليكم مشكلتي.. "عويصه" على قولة المصريين..
ليش دايما يوم أتكلم و أقول الحق ..أحس بتأنيب الضمير؟؟؟؟
يعني مثلا، إذا واجهت موقف و قالولي تكلمي .. قولي الصدق "فلانه ظلمتج صح؟" ما عطتج حقج!!! ما و ما … إلخ
ليش مرات يوم حد يفتن عليي و أنا مب مسويه شي أسكت و أصيح؟؟؟ أو ان تجرأت رديت عليه باسلوب هادي أبا أقنعه ان مالي ذنب في هالشي ..أنا أعرف شو سويت.. " على طول أصيح" و أحس بتأنيب الضمير !!
معنه الساكت عن الحق شيطان أخرس
ليش يا بنات؟؟؟
اويه انتي مثلي انا نفس الشي ما اقدر ادافع عن نفسي يوم ابا ادافع واتكلم دموووعي تسبقني انتي نفسي بس هالشي وااايد سببلي مشاكل وخلاني ما اراتاح فحياتي لاني انظلمت وما قدرت ادااافع عن نفسي ….
يمكن انتي من صغرج ما تعودتي تقولين الل يفخاطرج او لانج ما تحبين تجرحين حد لو كان الغلط منه ..
لازم تقوين من شخصيتج حبووبه
انتي تنظلمين وتسكين ما يصير جيه كل وااحد بياكل حقج وبيمشي لانه يعرف انتي ما رااح تقولين شي وحدج بس تصيحين
تعلمي كيف تدافعين عن نفسج وماتقولين لا غلط لا احس بتانيب ضمير خلي الضمير لاصحاب اللي ماعندهم ضمير
يوم تشوفين عمرج صح وماغلطتي على حد دافعي عن نفسج وارمسي وتكلمي بدون لا تصيحين وقوي نفسج حبوبه
حبيبتي انتي شخصيتج اضعيفه واجهي الامور حاولي اتحلين مشاكلج .. ولا الناس بيقولن عنج انج على نيتج
الطيبه زينه والواحد يسكت احيانا عن بعض الامور ويتغاااضى بس في مواضيع الازم تتخذين قراار وترمسين
وربج كريم
واااااااااي أنا بعد جيه
لمـا أتكلم و أقول راي بصراحة عقب بفترة أحس بتأنيب الضمير و أحاتي الطرف الثاني لا يزعل علي و اذا ما تكلمت
يحز فنفسي اني ما نطقت و قلت اللي بخاطري و أحس بضيج و أبغي أصيح
الله يعينا بس
شــدي على عمرج و قولي اللي بخاطرج أحسن حتى لو سببت الزعل لأنها كلمة حـــق
و ربي وياج
و تـراج ان سكـت ع الغلـط و {جـاملت} الناس ..
فـ انت اتضرينهـم ما تنفعينهـم ..
و هـ الشي اللي {فعـلاً} لازم اتحسين بـ {الذنب}
بسببـهـ ، مو العكـس !
و {حقـج} تعـودي شوي شوي ادافعيـن عنهـ ..
لنهـ محــد هـ الايـام ينفع عنـهـ ..
و جـان انت صخيـت و رضيـت ، فـ محـــد بيسويلج
شي و بيـرد حقج ><
مرات أقول ما عليه حقي عند الله
المشكله أنا من صغري أمي عودتني ما أرد على حد.. و لين يومي هاذا ما أتجرأ..
يوم كنت صغيره كنت أرد الصراحه بس كنت أحصل تجعيمات و تكفيخ مرات من أهلي.. ما أقوللكم ما كنت أدافع.. كنت أرد و انتقد بس أمي كانت توقف لي على الوحده تقولي "ليش جرحتيها؟" و أنا في خاطري أقول " يعني أنا مول ما انجرحت؟"
.. و منها.. ياني احباط و قمت أسكت.. شو أسوي؟؟؟
خلاص بعود عيالي ان ياخذون حقهم.. ما بربيهم بأسلوب أمي