خواتي انا معرسه من سنتين وخاطري احمل مع انه رب العالمين اكرمني وعطاني بنوته اموره عمرها 5 شهور فديتها الله يخليها لي
احس اني اشتقت للحمل وايام الحمل مع انها كانت وايد صعبه بالنسبه لي بس الحمدلله على كل حال كنت اتمنى الضنى وربي ماخيب املي الحمدلله والله يجازي ريلي فديته كل خير على صبره علي وعلى نفسيتي التعبانه
مع العلم اجهضت مرة قبل هالحمل ونفسيتي تعبت ويوم مافكرت بالموضوع والتهيت حملت ويبت بنوته الحمدلله..كنت استغفرالله احس انه هذا عقاب لاني من ايام الملجه كنت احاتي واخاف احمل من اول يوم زواج عقبها تأخر حملي سنه تقريبا
الحين حاسه اني مشتاقه للحمل وريلي ماعنده مانع وانا كنت افكر احمل مرتين ورا بعض اذا ربي راد واريح عقبها كم سنه لين اربي عيالي ان شاءالله
بس يوم اشوف بنوتي كيف تصيح وظروف شغلي الي ماترحمني والولاده الي طلعت روحي فيها افكر مليووون مرة واحس روحي انانيه ومااراعي بنوتي الدلوعه
ماافكر احمل وهي في هالسن على الاقل يوم بيكون عمرها ست او سبع شهور .gif "12 (61)")
منو حملت وولدها عمره في الشهور يعني مب بعد الاربعين على طول قصدي يوم عمر ولدها 5 شهور وطالع وحست انها مرتاحه وماقصرت في حق ريلها والبيبي؟؟
كل مافتحت الموضوع مع حد يقولون لي انتي صغيره واحسن لج تحملين الحين وتوقفين عقب كم سنه
وووصح نسيت اخبركم انا وريلي ماناخذ اي مانع حتى بنتي صارت ماترضع مني بس انا اموووت على اليهال والي مخرب علينا دوام ريلي وسفرات الدوام يعني مب دوم يقعد عندنا وانا من امارة وهو من امارة ثانيه
انصحوني حبيباتي لانه ماعندي خوات اكبر مني يمكن بعضكم يحس انه موضوعي سخيف بس انا هالشي افكر فيه وايد
الله يرزق كل محروومه
طبعا بنتج صغيرة واااايد
انا عندي بنتين و الفرق مبينهن تقريبا سنة و 8 شهور يعني حملت و هي عمرها 9 شهووور
و الحينه حامل و بيكون الفرق مبين الثالث و 2 سنتين
لكن تبين الصدج احس اني واااااايد تعبت لنه كلهم صغااار و بعدها بنتي مع البامبرز و بعدها
ترقد بحضني و أشلها و احطها يعني تعب كبير علي و بعدني البسها و أاكلها يعني أشووف الحرمة
من يصير عمر البيبي سنتين تحمل على اساس يكون الفرق مبينهم سنتين و 9 شهور
يعني على الاقل بنتج تروح الحمام و تاكل بروحها و تقدر تطلب اللي تبغيه منج عن طريق الكلام
مب عن طريق البكااء و انتي تتلعوزين معها
اما اللي تقوولج صغيرة
الحرمة يوم تحمل و تربي وراا بعض تكبر بسرررعة يعني لا ريلج يتهنى فيج و لا انتي تتهنين بعمرج
لنه ما في شي اسمه بييب عيال الحينه و برتاح
بالعكس الحرمة من تحمل و هي خلاااص تشيل المسؤولية على عاتقها كل يووم لين تزوجهم و بعدها تحاتيهم
فالحينه بصراااحة احس بتعب مب طبيعي من ورااء الحمل المتكرر و هذا أثر علي واااااايد
لنه ما صار لي متزوجة غير 6 سنوات بــــــــــس
بس والله تلعوزت وايد ثنينتهم بامبرز وحليب !!!
وغير جذيه لأني اداوم دوم احاتي ويبت ناني لكل واحد فيهم
وفووق هذا احس تعبانه وياهم واللحينه انا حامل بس احس اهون
لأنه كبرو ويفهمون لكن بعدني احس انهم صغااار،،،
العمر جدامج يالغاليه،،،،وبنوتتج بعدها كتكوووته وصغيرووونه
يعني خليها تاخذ حقها من الدلع والاهتمام ويوم تكمل سنه ونص جذيه او سنتين
احملي عسب تكون شوي معتمده على نفســها،،
وفالنهايه كله عند رب العــالمين،،،
وربي يرزقج باللي تتمنينه
الله يرزقج ويرزق الجميع باللي يتمنونه
خلي بنتج تكبر على الاقل سنه ونص
وبعدها فكري بالحمال
لانج واايد بتعبين اذا حملتي بسرعه ورا بعض
حبيبتي اصبري شوي قدامج العمر اتهني ببنتج و غذيها كويس و رضيعيها و اعطيها اهتمام و حنية كافية و بعد ما تتفطم و تشل البامبرز فكري في الحمل انا جذي اشيل البامبز و اخلص رضاعة احس ان البيبي اخذ حقه
الله يعينج حبيبتي ويهونها عليج الي الله كاتبه بيصير دامج ماتاخذين موانع توكلي عالله ولا تحاتين شيء لانه هو
بيرزقج وبيسر امورج لا تتردين وتوكلي عليه ان كانو واحد ولا اثنين ولا ثلاثه ربج يسر