يا بنات انتو تشترون للخدم بفلوسكم ولا ؟

السلام عليكم

انا بعد يبت الشغاله من شهرين و تاخذ راتبها كامل تودي حق اهلها و انا من اول يوم جبتلها الضروريات كريم و شامبو و ملابس من عندي و هالشغلات و يوم نروح الجمعيه اسمحلها تاخذ بحدود العشر او 15 درهم واذا خبرتني عن شي ثاني تبغاه اذا شغله مالها داعي اخبرها اني بخصمه من راتبها و اذا شغله شوكولاته او شيبس هالشغلات سمحلها مثل ما قلت اول ب 10 او 15 بس لا تعودينها تصير تقول طيحه

الضروريات علي فقط ومااعودها تشتري من الجمعيات لانهن ما ينعطن ويه
كريمات وشامبوهات وثيابها وحتى بطاقه شهريا هذا علي انا فقط

انا اخذ لها الضروريات الملابس وشامبو وصابون ومعجون وفرشاه وفوط صحية وكريم لويهها ومرطب لايدها وبطاقة رصيد شهريا

بالنسبة للاكل والشبس والسويت احنا ما نقصر مثل ما انييب حق عيالنا انييب لها …………

الضروريات فقط من ادوات صحية شامبو صابون فازلين …..إلخ وملابس فقط

أما الأكل والشرب إلي ناكل منه تآكل شراتنا .

اختي شهريا خذي لها كريم للوجه -لوشن للجسم -مزيل عرق- رصيد 25 درهم – شامبو – صابون-
وخذي لها حلويات جي بحدود 10 -20 درهم

بس ها تاكدي قبل ان مخلص عنها لان البعض مايستخدمن الصابون مثلا يشلنه البلاد

انا اشتري لهم كل شي على حسابي
حتى الحلويات والبسكوتات اشتري حقنا وحقهم
من غير كل الاساسيات انا اشتريها ريال ما يدفعون من عندهم
والمكالمات رصيد مره من عندي ولو بغو زياده من عندهم بس انا محدده مرتين في الشهر بس
هذا ايام ما كان عندي خدم الحين ما عندي ^_^