السلام عليكم خواتي ..
ان شاء الله بنتي الله يحفظها شهر 9 بتدخل Kg1,و لاني مب من راس الخيمه بس ريلي من راس الخيمه ..وايد وايد دورت و سألت عن المدارس سواء الحكوميه او الخاصه ..
و عقب حوسه استقريت على الشويفات …بتقولولي راس الخيمه الانجليزيه ..فيه اللي مدحوها و فيه اللي ذموها ..و عيال حمياني يدرسون فيها و كل واحد مستواه انول عن الثاني و يايبلهم مدرسين في البيت عشان يمشون حالهم
سجلت بنتي في الشويفات..سرت المدرسه و دشيت كلاسين و شفت المدرسات و ارتحت و توكلت على الله و سجلتها ..
بس اليوم ختيه سمعت حرمه اتصلت في اذاعه عيمان تشتكي على المدرسه ..و لدها في grade2
وايد طاحت فيهم …الحمدلله المذيع اتصرف و اتصل على طول في الوزاره ..و الوزاره استدعت الحرمه عشان يشوفون شكواها ..طبعا هالتصرف ريحني نوعا ما ..بس مدحت المنهج انه وايد قوي ..
بس عندي سؤال لاهل راس الخيمه ..الوزاره بتتصرف و الا بس كلام ..انتو هل الاماراه و ادرى فيها ..و الله وايد احاتي و مب عارفه شو اسوي …
شو كانت الشكوى؟
صح يطلعون من الشويفات وانجليزي توب بس شو الفايده اذا دين وعربي سو داون !
الله يعينا انا من احينه اتيني صيحه لما اتذكر مسير عيالي بيدشون الشويفات …
المشاركة الأصلية كتبت بواسطة مي الاماراتية 
الله يعينا انا من احينه اتيني صيحه لما اتذكر مسير عيالي بيدشون الشويفات …
انزين اذا الشويفات اللي براك مب شي….. شوفي مدارس ثانية…..
شو من مدارس في راك زينه؟؟؟ يلا خبرينا !؟؟؟
للرفع
المشاركة الأصلية كتبت بواسطة مي الاماراتية الله يعينا انا من احينه اتيني صيحه لما اتذكر مسير عيالي بيدشون الشويفات …
منو قال ما يعلمونهم دين و عربي ؟
يعلمونهم اختي ..و حتى كي جي 1 تقريبا يوميا قراءن يسمعونهم و اذا مب يوميا اقل شي 4 ايام في الاسبوع ..
و اذا ما في دين ..هذا دورج انتي ..انا عن نفسي فيه و الا ما فيه ..مقرره اركز على هالناحيه في البيت ..و بييبلها حرمه تحفظها القراءن …