السلام عليكم
ولديه عمره سنه و8 شهور تقريبا اول ماكمل السنه وهو معاه امساك لين هالساعه يعاني منه
ماخليت مكان ماوديته وديته عند اخصائيين واستشاريين وكلهم يعطونه مسهل وماشي فايده ووديته تايلند سووله اشعه على مصارينه وعلى بطنه والترا ساوند وتحليل براز وكل شي واتخيلوعطوه حقنه هاذي اللي يعطونها للحامل يوم بتربي والله كسر خاطري تم يعاني اخر شي فرغ اللي في بطنه كله وارتاح واستانس ورقد عقبها على طول بس بعد ماشي فايده لين الحين معاه الامساك
اتخيلوا حتى حلول عطيته عسب يمشي بطنه سهل بطنه يعني زادت المرات بس مازال البراز عنده قاسي والله جنه حصى ويتم يتنافض ويعرق ويتشنج يوم يتبرز غيرت حليبه وماشي فايده اعطيه ماي وسوايل واي شي يسهل بعد ماشي فايده وهو ضعيف وايد وزنه 8 كيلو بس يعني على عمره المفروض ع الاقل فيه 12 كيلو
والله تعبت وياه وكاسر خاطريه
شو الحل يزاكم الله خير
ادعوله بالشفاء في الشهر الفضيل
عليج باليانسون المحلى وان شا الله الله بيعااافيه ..
ياااربي والله همني …. الله يشفيه ويعااافيه …..الاطفال معااانااه قلبنا يعورنا عليهم وما بايدنا شي نسويه … عطيه كل يوم تمر لان التمر معروف انه يلين البطن ولاا تعطيه ادويه عشان ما يتعود بطنه عليها وان شاء الله البنات بيدعووله ومابيقصرو….
فديت رووحه والله ماادري شواقولج اختي ..
بس كثري له من عصير البرتقال وجنبيه الاكل اللي يسوي امساك..
والله يشفيه لج يارب ..
عليج بشوربة الخضار والشوفان يومياَ
ويوم بتغدينه وبتعشينه حطي في اكله زيت زيتون عن تجربه وانشالله بيرتاح..
واذا عطيتيه عسل يوميا على الريق بتشوفين الفرق..الله يشفيه نحنا مانستحمل الامساك وين هالياهل..
حبيبتي اعطيه ينسون محلى …. وااااااايد زين …
وعصير برتقااااااال ….
وفيه عشبه يبيعوونهااا في الجمعيه … اسمهااا (عشبه المعجزه ) مادي جان تصلح حق اليهاااال .. انا مجربتنهااا حق عمري واااااااااااايد زينه تلين البطن وما الضر …
وخلج من الادووويه بتعوود عليهاااا … مب زين له الادويه واااايد بعده صغير …
يزاكم الله خير والله ماقصرتو
ان شاء الله باخذ بنصايحكم