شحالكن خواتي
دخيلكن ساعدني في مسألة الحليب اللي لعوزتني
انا كنت استخدم حق ولديه حليب جولد اس 26 (GOLD) S-26
وعقب ماعطيته اياه بشهر ياه امساك احين كمل ست ايام بطنه مامشاه غامضني واايد يتعصر
واليوم غيرتله الحليب وخذتله ( نوفا لاك ) شوه رايكن فيه اوكي دخيلكم فيدوني هاا ولديه البجر وانا طمه ولااعرف شي والله قلبيه يعورني عليه من كثر مايتعصر واذا تعرفن حليب اوكيه دلوني عليه
والسموحه منكم ع المغثه
الله يشفيه ان شاء الله ويسر اموره ان شاء الله انا ما عندي خبرة الغالية بس حبيت ارفع موضوعج
ذكرتيني بولدي ولله أنه يتعصر ويصيح من الأمساك زأحياناً يطلع له دم..(عزكم الله)
كنت أستخدم له نانا ومن كمل سنه غيرت له لين بروجرس..ونفس الحاله.
أستخدمت له تحاميل الجلسرين وفادته بس ودرتها وصرت أكثر له الماي ونصحتني مرت أخوي بدوا أنفاكول وااااااايد زين هالدواء للأمساك والحمدالله والشكر لرب العالمين نفعه..
صراحة نوفولاك واااايد زين و انا ولدي كان نفس الحالة و عانينا من هالموضوع الله يعلم كيف لا ليلنا ليل و لا نهارنا نهار لين ما دكتور وصفله هالحليب و فعلا صار بطن طبيعي في ثلاث ايام و هو الحينه عمره سنة و بعدنا مستمرين ع نفس الحليب مرة جربت اغيرله رد له امساك كلمت الدكتور قاللي ردي ع نفس الحليب
انا عطيت بناتي الهنتين حليب بيبي لاك عمتي نصحتني به وهي تعطي عيالها منه … والحمدلله ما عانيت وياهم …. جربي لة وشوفي …
حليب 26 يبا ر ضعه عصير برتقال عقبها حتى لو مره باليوم عسب الحديد اللي فيها هو اللي يسوي امساك..
انا اعطي ولديه حليب ال 26 عادي ما يسوي امساك يمكن لاني اعطيه وجبه فواكه واحيانا ارضعه