اخواتي اريد منكن افكار…لوقت الفراغ..انا متخرجة من الجامعة..ويالسة في البيت..ما حصلت وظيفة..اريد اسوي مشروع مو شرط تجاري..او اتعلم شيء من النت…اواريد اعرف في مواقع تعلم اونلاين مجانية.(التعلم عن بعد) تكون اسلامية او اي شيء..او افكار نفعني وتنفع غيري…والله ما اعرف شو اسوي..
او اقدر اسوي مشروع او اي وحدة من التاجرات تريدين اساعدها في اشياء اقدر استفيد منها ماديا ومعرفيا..
افيدوني…الصراحة الملل ذابحني
الغاليه… شوفي انتي شو هواياتج ..مثلا عندج موهبه الرسم…الأعمال اليدويه..أو أي شي انتي تحبينه….مثلا تدريس الأعيال سواء خوانج او عيال خوانج….عندج المطبخ اذا انتي تحبين الطبخ….مثلا الرسم ع الزجاج….شوفي أي هوايه عندج وانتي غلبي الوقت لا تخلين الوقت يغلبج….وان شاء الله ربي يعطيج ع قد نياتج…ولا تنسين رب العالمين دايما شكريه على اي نعمه وفي الزين والشين…
.gif "12 (43)")
مرحبا الغلا
انا انصحج ادشين دورات كمبيوتر او اي دورات فسوالف تحبينها خياطة مثلا او ميك اب
ومثل ما قالت وردة غلا نمي هواياتج ^_^
من قلبي اتمنى لج التوفيق والسعادة في الدارين..
بالنسبة لي.. انا استغل اوقات فراغي" بالجرد !!" اقصد تجميع الاغراض الغير مرغوب فيها.. من ملابس- اكسسوارات- اغراض منوعة – اكل- ادوات المطبخ – اثاث – تكرمين نعول…الخ
ارتبهم واوزعهن للي محتاج في داخل الدولة وخارجها..والله ما اعرف كيف اوصف لج الشعور؟؟؟؟؟
تحسين بان الله سبحانه يبارك لج في الوقت والعمر!!!
الكثير من اهلي وصديقاتي يخبروني بان في بيوتهم اغراض كثيرة بس يكسلون يجمعونها.. وانا اعرض خدماتي لوجه الله .. ما تتخيلين ردود افعال الفقراء بالاغراض والملابس اللي تتجمع عندنا سنين.. بدال ما ناخذ اجرها؟؟
اذا حبيتي الاستفسار اكثر راسليني ع الخاص.. ونسأل الله الاعانة والقبووول..
الله يوفق الجميع يارب
المشاركة الأصلية كتبت بواسطة وردة غلااا 
مشكووورة اختي…والله ما قصرتي.في طرح الأفكار..
…المشكلة انا ما اعرف شو هواياتي..هذا صراحة.امكن احد يضحك علي اني ما اعرف شو احب وشو هي هوايتي.. على العموووم جزاك الله خير
المشاركة الأصلية كتبت بواسطة AlAinGirL انا انصحج ادشين دورات كمبيوتر او اي دورات فسوالف تحبينها خياطة مثلا او ميك اب
ومثل ما قالت وردة غلا نمي هواياتج ^_^
مشكووورة يا اختي ربي يوفقج..