السلام عليكم ورحمة الله وبركاته
طبعا اللي تعاني من نفس مشكلتي بتعرف شو اقصد بعنوان موضوعي
خواتي الغاليات ،حبيباتي العراوس الأمورات والمقبلات على حياة اسال الله ان تكون سعيدة
لهن ولازواجهن ، ضيقتي من جسمي اجبرتني اكتب لكم واطلب مشورتكم ، بصراحة اخيتكم
ماباقي لها الا ايام معدودة على عرسها وما خلت خلطة تفتيح الا وجربتها وبصراحة ولا خلطة
للحين نفعت معاي لانها للاسف يا اما تكون منقولة بدون تجربة او معتمدة على ايام طويلة قد تمتد
لشهور ، عموما مشكلتي في مناطق الاحتكاك سمرا كثير مثل الركب والاكواع وغيرها
انتظر منكم تجاربكم ووصفاتكم اللي شفتوا التغيير فيها من ثاني او ثالث استخدام
وهل فيه وحدة من اخواتنا المعرسات راحت لبيت زوجها وهالمناطق غامقة و مر الموضوع عادي؟
الله يسعدكم اخياتي ويوفقكم في حياتكم تراني ما كتبت الا لما فعلا وصلت معي لدرجة اليأس والملل
من هالموضوع … .gif "12 (1)")
وعليكم السلام
حبيبتي الاكواع مشكلتها محلولة مع قفازة الاستحمام اتييج خشنة بتحصلينها فكارفور فقسم الاستحمام
وتحتارين لج صابون تبييض وتفركين الكوع بحركة دائرية
أما منطقة الاحتكاك بين الفخوذ ينصحون باستخدام سودا كريم مال اطفال لمنطقة الحفاظ وحب الشباب يقولون انه اوكي بس انا ما اقولج واحطه فذمتي لاني ماجربته
اما الركب اقولج اياها عن تجربة شخصية كل ما تدعجيتنها وتفركينها بجهد اكبر تسمر زيادة وبشكل ملحوظ لو ان شا الله دعجيتها فكريم اساس لانها منطقة اذا نبي نبيظها لازم نتعامل معها بنعومه على عكس الكوع وانا انصحج تحطين عليها روب …
وانتي اجتهدي وابحثي عن خلطات لاتقولين مانفعت اهم شي هو الاستمرااار حتى ها اللي قلتلج عليه لازم تستمرين عليه .. ولاتنسين بعدها لوشنات التبييض موجودة بكل الجمعيات وانتي اختاري اللي يروق لج منهم
وفي ايضا خلطة الديتول الاخضر للعناية الشخصية هاي اتيبين فوط وتخففين محلول الديتول في ماء ساخن جدا وتبدين تفركين المكان اللي تبينه يفتح وبتلاحظينه بدى ينظف ويخلى من الشوائب بشكل اسرع بس اذا هديتي هاي الخلطة بترجع تسمر المناطق ومثل النصيحة اللي لازم الكل ياخذها بعين لاعتبار انج لما اتين عالركبة دلكيها بكلل رقة ….
الله يهنيج ويجملج بعين زوجج
انا مااقتنع باي حل
حتى الحمام المغربي مايسوي شي والله جربناه ولااثر ابدا
بس الحمدالله انا مااعاني وايد من هالشي يعني بسيط وقبل كنت احاتي وايد الحين اقول خلااص هااي انا شواسوي يعني
والحمدالله احسن من غيرنا بواااااااااااااايد
في موضوع الركبة صادقة هالشي لاحظته لما بديت اتعامل معها على انها قدر لازم ينفرك بخيشة عشان يتنظف
اسعدني مرورج ياغالية وجزاج الرحمن كل خير
—————————
UAQ_LADY
الله يتمم لج عرسج على خير ياخيتي صحيح حنا احسن من غيرنا بوايد بس الواحد وده يحسن من نفسه
ويحس انه في هالفترة شكله غير ماتسمعينهم يقولون فلانة كأنها عروس من زود ماهي متغيرة ومفتحة؟
فما بالج باللي اصلا عروس ولكن مو باين فيها هالشي 
،،، على دعك الخلطات للحين ماحد قال لي محلوة ولا
متغيرة ولا مبيضة ولا اي شي وهذا اللي محطمني ما ودي اصير تيتي مثل مارحتي جيتي
صدقج والله حبووبه
بس تدرين انا شراتج جربت واايد خلطات كلهن خرطي مااشي فاد فيني
بس يوم سويت فيشيل بروحي لاحظت انه ويهي نور
اما الحمام المغربي ماسوالي شي >>كنت مسويه حق الملجه
الحين قررت عشان اكون متغيره حق العرس بسوي نيولوك عشان الكل يقولون متغيره
وطبعا بروحي اسوي حمام مغربي شاريه معداته وجذه
مم قلت بقص شعري لانه طويل بغير قصته يعني وبصبغه وبغير استايل حواجبي وخلاص بستوي عروس هههــ
وترى الخلطات مااتفيد والله مااقمت اصدق شي
الله يتمم لج عرسج على خير حبوبه
للرفع
خواتي فديتكن انا خذت لي السونا مالت الحمام المغربي وقلت توني بسويه ببدى فيه بعد اسبوع وعرسي هو شهر 6 ان شاءالله .. بس بتخبركن هو صدق ماينفع اذا انا سويت لي فالبيت بروحي واكيد حد بيكون عندي عشان يفركني عدل
بس ابغي افهم هو ينفع ويبيض خلال 3 شهور ولاعادي بس يفتح شويه؟؟؟