هل الجنين حي؟؟

السلام عليكم

شحالكم خواتي

خواتي انا حامل وهذا ثاني حمل لي مع ان ما صار لي سنتين من زواجي

مشكلتي ان مزاجي ينجلب 180 درجة من احمل

حياتي كلها مشاكل

المهم انا عرفت اني حامل لاني رحت المستشفى..وقالت لي الدكتورة تعالي بعد شهر عشان نسوي سونار عشان نعرف كم عمر الجنين لاني نسيت اخر مرة يتني فيها الدورة

والاهم اني مرة وانا في حالة عصبية مع ريلي رفض اني اروح المستشفى مع ربيعتي وانا من ضغط الحمل حلفت اني ما روح المستشفى خلاص..

بس قلبي ع اللي فبطني

ابي اعرف لو كان الجنين حي وسويت الفحص ببين اني حامل في الجهاز المنزلي

بس لو سويته والحنين ميت (الله لا قاله) هل ببيبن اني حامل او لا؟ بس عشان اتطمن لين اكفر عن الحلف..

لان قريت في مواضيع ان لو مات الجنين وتم في البطن بعد اسبوعين من موته يتحلل ويسمم الام وتموت

الله يخليكم لا تبخلون علي بأجوبتكم ..

وشكرا.

بسم الله عليج.. ماعندي فكره .. حبيبتي لاتأجلين باجر كفري وسيري اطمني وطمنينا

ماعندي فكره بس حبيت ارفعلج الموضوع ….والله يرزقج على قد نيتج يارب ويثبت حملج وحملي ان شاءالله

السلام عليكم
انا بعد حملت ووقف نبض الجنين ويوم سويت السونار بين انو ميت قبل اسبوعين والدكتورة عطتني فرصة 10 ايام حتى ينزل الياهل روحه والحمد لله عقب 10 ايام رديت للمستشفى وسويت تنظيف ولا صار شي لله الفضل والمنة

صراحه انا ماعندى فكره بس ليش هذى الوسواس

up

ما تشوفين شرر

كفري حبيبتي شو تتريين ؟؟
لاتتهاونين ف هالامور ..
وان شالله مايكون ف جنينج شي ..
ويكون بخير ..
والله يثبت حملج على خير ان شالله وطمنينا..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.