هذي نتيجت الدلع ما اقدر اتحمل شي ساعدونيه دخيلكن

بنات انا عمريه 19
و ملجت من فتره الحمدالله (الله يتمم لي على خير)
انا كنت عايشه حياه الكل يحسدني عليها .. من اقول شي اليوم الثاني احصله جداميه
هليه مدلعينيه دلع عالآخر
والله ان حتى الماي حاطينه حذايه عسب ما انش و اييبه
حتى و انا في الثانويه البشكاره تلبسنيه الجوتي (عزكن الله) و شنطتيه ما اشلها البشكاره تشلها
حتى ضفوريه امايه تقصهن

المشكله ..
اول ما ملجت هليه تغيرو عليه و معاملتهم تغيرت عليه يقولون بس خلاص اعتمدي على عمرج انتي الحين حرمه .. اوكي انا معاهم في هالشي بس اسلوبهم في الكلام جاااف شويه بس اخويه الي بعده يدلعنيه و الا الباقين تغيرو وااااااااايد
انا ما تعودت على هالاسلووب !! اسلوبهم جاااااف
و مستويه واايد حساسه
ازعل من اي شي
حتى ريلي اول ايامه لاحظ انيه هب معتمده على عمريه و لاحظ انيه بطرانه و دلوعه بس بأسلوبه قدر يغير فيني شوي
و الحين زااادت عليه المشاكل ويا ريلي و هليه
غيري ما يعتبرها مشاكل
كل حد يقوليليه هالشي عادي و يستوي بس انتي مش متعوده عالمشاكل
انا الحينه مستوتليه سالفه .. شي خلاف بيني و بين ريلي و لازم اتريا اسبوعين لين يرد من السفر عسب احلها بس هب قادره اتريا .. 24 ساعه منسدحه عالشبريه لا صلاه و لا عباده و لا ايلس ويا هليه و ما احب اكلم حد و اذا حد كلمنيه اعصب !!
رقااااد في النهار و في الليل يوم هليه يرقدون انش اطالع التلفزيون و لا ايلس ع النت
لأن امايه وااااااااايد تدخل في حياتي و كل يوم تسأل ها ريلج اتصل ! ها ريلج مادري بلاه ! شو قال ! حتى مره قالتليه انها بتحط كيمرا عسب تعرف و تسمع انا و ريلي عن شو نرمس ! و انا ماحب جي
تريد تعرف كل شي و انا مليت
على فكره امايه هب جي ويا ريلي حتى ويا ربيعاتيه جي
تريد تعرف كل شي
و حتى اذا كلمت ابويه و لا خالاتيه لازم تعرف كل شي بالتفصيل الممل ..
عااد اذا ام ريلي متصله ههههههه والله ما تخلينيه اكلمها الا و التيلفون speaker
و دوم تشوف مسجاتي
تقول انتي بنتي و لاااازم اعرف عنج كل شي ..
و اذا ما سويت الي تباه تقوليله ترى بدعي عليج و ما بتتوفقين و عيالج ما بيحبونج !!!

ساااااااااااااااااااااعدونيه
اعرف مشاكليه وااايد بس دخيلكن ساعدونيه ..