شخباركم يا حلوات شعلومكم؟ ان شاء الله كلشي تمام….
حبايبي بغيت فزعتكم زوجي و توأم روحي كان عنده امتحان دراسات عليا و الحمدلله ربي وفقه و نجح بامتياز و بغيت اسويله شي مميز و اشتريله هديه مميزة تعيبه و يتم يتذكرها وتم بخاطره مدة طويلة
افكر اشتريله موبايل نوكيا اليديد E66 بس لو عندكم افكار احلى و احسن بليييييييييييييييييييييييييييييييييييييييييييييييي ييييييييييييييييييييز لا تنسوني و ردوا علي لاني وايد محتار و ابغي مساعدة باسرع وقت و مشكورييييين مقدما…..
والله بيكون شي حلو لو تشترين له كذا هديه وتحطينه في مندوس وتغلفينه أحلى تغليفه وفالمنتدى في وايد سوالف حلوه يبيعونها مثل
طربوشه بس غير
http://forum.uaewomen.net/showthread.php?t=124859
واشتري له من محل أحمد مغربي دهن عود أو عطر عربي اسمه فزاع أو مهره بس ريحه خبال وأسعارهم وايد حلوه والمحل موجود في الغزال مول شارع الضيافه وبن سوقات في دبي
أو هديه مميزه بس غير وأجرها كبير عند ربنا ادخلي على هالرابط وشوفي شو هي الهديه وما بتندمين
http://forum.uaewomen.net/showthread.php?t=190606
او زيني لوقو سيارته بالكريستال وهذا رابط الموضوع لوحده من التاجرات
http://forum.uaewomen.net/showthread.php?t=233957
أو اشتري له نظاره وبزم وساعه وعطر وبوك من ماركات مختلفه وغلفيه بأحلى تغليفه وسوي له عشا والهديه خليها مفاجئه عشان يستانس وربي يسعدكم دوووم ويوفقكم والسموحه عالاطاله
مايحتاي نقول شي الاخت بنت دبي ماشاء الله عليها ماخلت شي وماقصرت وياج وانا اوافقها الراي لاني انا بعد اريد اسوي حق ريلي مثل هالطرابيش حق العيد والله يسعدكم ويسعد كل وحده وياريلها
ماشاءالله شي عضوه ترتب هديه فخمه
وانا حفظت الموضوع عشان ريل ختيه
بتاخذله ختيه من عند هاي التاجره الرائعه
والدراسات العليا يبالها شي فخم مثل اللي في الرابط