نور الفجر

بعيده أنفاسَ يا خلّي.. و لو مهما تباعدنا
غلاهم في حشا هالروح.. تمكّن داخلي إنسان

أنا مَقدر على الفرقا وَ لا أقدر أفضفضها
وَ لا هي الفرقا تقدر لي .. و لو حتّى أنا عَيْزان

و نور الفجر يشهد لي.. و عيني الشوق فاضحها
بأنْ اللي أحبّه موت.. تذكّر نعمة النسيان

نساني في طلوع الفجر.. و عينـَه النوم ساكنها
و لو حتّى اهو واعي.. تناسى يسقي العطشان

أنا إذني بـِدَت تشكي.. على كيفك تدقــّلها
و يوم اهْـيا تبيكم حيل.. تعذّرتوا ابْمسج تعبان

أنا عيني بها دمعة.. و عيني الثانية اتْهمها
تِكون ابْخير يا قلبٍ تعنّى لي و هو حيران

مَعاش اللي يقول إنّك حشيم الطبع و فاهمها
و لكن انته الحشمه و منك الصّد ما ينهان

أعَرف امْخَبّي أحزانك.. و حتّى اطْبوعك أعرفها
و قدرك أعْرفهْ و منْ عُلــُوّه قمّـته مَتبان

لَـَجـِـلْ غلاكم ما أبي سوى أخبارك أسمعها
فديتك ماهو ابْ فضول.. و لكن كلمَةْ اطمئنان

وسلامتكم..