:: السـلام عليكم ورحمة الله وبــركــاته ::
خــواتي الغاليــات,
كلنـا نسمع عن ســوالف المــعــاكســات اللي تصيــر فكـل مكــان,
مب بس جي,
لا
وصلت فيهم الجــرأه انهم يلحقونج لين السيــاره و يفتحــون البـاب عليج وانتي فسيــارتج!!
.
.
.
أنــا انحطيت فهــالموقف أكثـر من مـره,
و يعلم الله اني انسانه حــاشمه عمـري
لا ميك اب
ولا شعـر ظـــاهـر,
بس الظــاهـر هـالشبـاب الخيــاس مـا عـادت تفرق عندهم يتحـرون البنــات كلهن واحد!
.
.
.
بـالله عليج لو انحطيتي فهـالموقف وانتي روحج شـو بتسـويين ؟!
ومن أول مره صـارلي هـالموقـف,
استويت أقفل بيبــان السيــاره أول مــا أركــب حتى قبل لا أشغل السيــاره…
.
.
.
وغيــر هـالســالفه,
قبــل لا أصك باب السيــاره عشــان أقفله,
مســك البــاب بـايده وفتحــه !
والله بغيت أمــوت من الزيــاغ !!
لكن ربي ستــر…
.
.
.
وين عــايشين نحن ؟!
عنبـــوهم لهــالدرجـــه وصـلــوا ؟!
.
.
.
بس خـواتي نصيحه لوجه الله:
– دايمـاً قفلن البيبان.
– نحن لا في نيو يورك ولا أوروبـا عشان نحط أسلحه في السيــاييــر ندافعبها عن نفسنــا,
لكن هــالشي خلـوه في سيــاييــركن دوم,
عطــر صغيــر ترشييــنه فويه اللي يتعــرضلج – لا تضحكــون – والله انه يفيـــد.
– وحـــاولي انج مــا تطلعين روحج.
غريبه اختي..انا صارلي 3 سنين اسوق ..وخواتي عشر سنين وفوق..ولا عمرنا حد تعرضلنا..او لحقنا؟؟؟احنا وين يالسين…الحمدلله الدنيا بخير….
مشكوره عالنصيحه…عجبتني حركة العطر..والاحتياط واجب
الله يحفظ الجميع ….
الله المستعان .. جيه نحن وين عايشين ..
بس اختي شو سويتي يوم تعرضتي لها الموقف .. سامحيني مب تطفل ،، بس ما اتخيل عمري شو بسوي لو تعرضت لمثل هالموقف ..
الواحد من هاذيلا ما يفكر في أمه أو أخته قبل لا يسوي هالحركة ؟؟!!!!
ما يدري أنه كما تدين تـُـدان ؟؟!!!
بس حلوة حركة العطر … والأهم ان الوحدة ما تطلع بروحها ..
الله يهديهم …
والله يحفظنا …
مشكورة الغالية ..
والله يا خواتي الموقف هذا صارلي بالكويت قبل 10 سنين او اكثر. كنت وقتها طالعه مع اختي الكبيره و اعيالها و اختي الصغيره. واقفين عند النادي ناطرين ولد اختي, ما وعيت الا هذاك اللي يبي يبطل الباب علي قمت اصرخ, راح و يبي يبطل الباب على البنات ورا متنا من الخوف والله حزتها. و من بعدها ما اركب السياره الا اصك الباب. حتى زوجي كله يقولي طفرتينا ويا عقدتج هذي مع صكة البيبان مالت السياره.
الله يحفظ الجميع يارب
السلام عليكم و الرحمة
أنا بعد صارمعاي نفس الموقف كنت سايرة مع امي المستشفى الظهر و نزلنا من السيارة في الباركنج و امي مشت قبلي شوي و تميت انا لين قفلت السيارة و عدلت شيلتي و بعدين مشيت
جان يلف من وراي واحد بالسيارة و قال كلام بس انا طنشته و ما صديت له:1 (43): و كملت لين باب المستشفى و دخلنا
و لما يينا بنطلع من الباب الا الحبيب واقف لنا يتريانا عند باب المستشفى عاد ظهرنا انا و امي و سرنا صوب السيارة بنركب الا الاخ يا يلحقني لين باب سيارتي جان اقفل البيبان من الزيغة:1 (5): و يالس يقول لو سمحتي لو سمحتي و يدقدق الجامة علي :1 (44): :1 (60):
عطيته بولباس و ما رديت عليه و ريوست بالسيارة و امي تقول لي زين شوفيه شو يبغي بس انا خايفة ما رديت عليه المهم راح و سجل رقم سيارتي في موبايله
يعني تخيلوا انا مع امي ما كنت بروحي و لا شي حشيمة و لا احترام اشكرة مغازل .. و الله انا ماكنت حاطة و لا شي طالعة بديكور و يهي و متحجبة ماشي شعرة طالعة مني و عباتي و شيلتي سودا اااا ما تلفت و بعد يغازلون الحمد لله و الشكر ما شايفيت خير … لا و الاخ شكله يعني كبير يمكن في الثلاثينات يعني معرس و ابو عيااال:1 (76): … مب مراهق …. عافاانا الله …
الحمد لله و الشكر …
اهم شي الوحدة تكون حشيمة ما تعطي ويه و لا مجال ان احد يتحرش فيها و خلاااااص