السلام عليكم خواتي أنا باجي لي كمن يوم وبدخل التاسع اليوم عزكم الله حسيت ماي نزل علي ومب قادره ايود عمري سرت المستشفى وقالتلي الدكتورة يمكن ماي الراس نازله بس ما فيني ويع وكشفت علي وقالت النفس مفتوح 2 سانتي وطلعتني من المستشفى قالت لي الدكتورة انتي ما فيج ويع ما أقدر اسويلج شيء روحي البيت وقالت يمكن مب ماي الراس يمكن إفرازات قلت الها أنا حسيت بماي نزل مب إفرازات تتحراني أجذب عليها المهم أنا الحين فالبيت وحأسه بويع شرات ويع الدورة بس يسير كل ربع ساعه ألويع يرد لي الحين خواتي شو اسوي ومتى أسير المستشفى وسو الأشياء اللي تنصحوني اشربها أنا اليوم شربت زعتر وكليت أناناس هل فيه أشياء ثانيه تحررض الطلق
حبيبتي ما أظن ماي الرأس لا تخافين أنا قبل ما إربي بأسبوع نزل ماي مثل الي تقول ينه وسرت عند الدكتوره قالت عقب كم يوم بتربين وعطتني فنيال زيت خروع ف كوب عصير عقب تمت تنزل عليه مثل خيوط دم وعقبها بأسبوع ربيت ….بس اذا زاد الويع سيري لاتغلطين غلطتي أنا سرت على طول لازم تصبرين شوي
لا تستعيلين خذي لج كم يوم في التاسع احسن
ولا تشربين شي
الياهل توه داش الا يوم من التاسع اصبري عليه يكمل اسبوع عل الاقل
واذا حسيتي ويع لازم تروحين المستشفي احسن
بس غريبه انها قالت لج روحي وانتي نازل عليج الماي
سوت لج تخطيط الولاده او لا ؟
والله يسهل عليج إن شاءالله
الله. يسهل عليج يارب
شو هالدكتورة ؟؟؟؟ في فحص بعود مثل عود الاذن فيه مادة اذا كانت ماي الراس بيتغير لونه للاسود او الازرق الغامق سوته لج ولالا ؟؟؟
وترا ماي الراس يوم ينزل مب شرط يكون فيه الم …
نصيحتي روحي عند دكتورة ثانية خليها تشوف لج الماي بالسونار كميتيه طبيعيه ولا نقص …مناك تطمنين ومناك اذا في شي ترجعين للمستشفى
ودام في الم روحي
حبيبتي انا نزلت علي مية الرأس والتوسع كان 2 سم وما بطلعوا من المستشفى لا يصير تلوث أو شي يدخل ع الرحم ارجعي حبيبتي ع المستشفى احسن
اختي. سوت لي هالفحص وتغير لونه للأرزق الغامج بس أهي ما تعرف للتحليل أول مرة تسويه وقالت لي لازم يطلع خط أبيض شرات فحص الحمل. أنا بروحي مب عارفه وما طاعت تحولني لمستشفى لطيفه