السلام عليكم خواتي
مم حبيت اشاوركم بموضوع وايد مضايقني
انا لما وافقت عالزواج كنت مشترطه على ريلي اني اعيش بسكن مستقل وياه بروحي يعني شقه وحتى استوديو موافقه المهم نعيش بروحنا مب ف بيت اهله
وهالشرط كان بيني وبينه بس يعني مش مذكور بعقد الزواج
والحين قرب عرسنا وهو في الخارج عنده كورس ومابيرد الا قبل العرس بكمن يوم ان شاءالله يعني مافي مجال كلش انه يسعى ف موضوع السكن وامس يوم فتحت معاه السالفه تضايق وعصب وفي النهايه فهمت انه حاط ف باله اسكن مع اهلهم قلت له انا قلت لك من البدايه اني رافضه هالشي لاني بيني وبينكم سمعت عن تجارب كثير وحريم شكثر وكلهم تضايقوا واولهم امي فديتها وهي كانت اول من نصحني بهالموضوع
عطوني اقتراحاتكم رايكم احسن اتحمل واسكن وياهم مؤقتا لين الله يفرجها والله اعلم لين متى بصبر
ريلي رافض فكرة اني اسكن في العين فرضا وانه يجيني كل ويكند
ورافض اني اتم ف بيت اهلي لين يلقى سكن
ومستحيل نأجل موضوع الزواج لانه اساسا تأخر وايد
والله متضايقه شورن علي يزاكم الله خير
الحياة الزوجية مسؤلية وصبر ..بس يوم تقولين انج تبين تسكنين بروحج غير لما تقولين ما ابغي اسكن ويا اهله.. نعناها ما تبين اهله..وهالشي ولا ريال بيرضاها على اهله لو جدامج راضي بس عقب الزواج بيكون له اسلوب ثاني ..
قوليله ان اهلك اهلي ومستعدة اعيش وياك اي مكان..بعد الزواج بشهور حاولي بأسلوبج انج تقنعينه ان الافضل تعيشون بروحكم و….بس إذا اهلج ما طلبوا منه هالشي يوم ياي يخطبج خلاص مشكلتج ما قالتيلهم.. أما انتي تبينيله من خاطرج ما تبين اهله فبياخذ فكرة فباله أنج ما تحبين اهله وانج انسان أنانية ما خذتي رايه و…و….بعدين اي شي بيقولونه اهله عنج بيصدق لو كان جذب………..الحياة تضحية فلازم بعد الزواج بعقليتج أنج تكسبين أو راح تخسرين اشياء ثانية …….. وفكل شي استخيري…………ولا تبدين حياة من أولها مشاكل وزعل لانه بيطفش وانتي الي بتندمين.. وربي يوفقج ويسهل أمورج
اصبري
وعقب بيصير خير
مشكورين عالرد
بس اختي بنت الغول السبب الاساسي اللي يخليني ارفض اسكن وياهم هو انه ما شاءالله كل ويكند (ركزي على "كل" ويكند) اهل امه ايون عندها البيت من عمان او السعوديه وهم ماشاءالله لا اله الا الله وايدين وانا ما اتحمل الزحمه ومافيني اسوي زحمه عليهم بعد يعني هم بيتضايقون وانا بتضايق =( وبعدين انا عروس يديده ابا اخذ راحتي ف بيتي عرفتي
المفروض الموضوع هذا بين اهلج وبينه ايام الخطبه يكون موافق عليها لانج انتي بروحج ماينفع يعني لو هلج هم الي شارطين عليه جان تحرك من زمان
اختي فراشه هالكلام قلته بنفسي وهو وافق وانا على هالاساس تطمنت
بس تعرفين موضوع السفره يا فجأه يعني بعد الملجه بأسبوع وما كان في مجال
المشاركة الأصلية كتبت بواسطة khaleejiya 
بس تعرفين موضوع السفره يا فجأه يعني بعد الملجه بأسبوع وما كان في مجال
تعرفين فديتج فيه مواضيع لازم يكون هلج متكلمين فيها عشان ينحط في الامر الواقع من البدايه
لانه كلمج بروحج يمكن يقول في خاطره هذي اتحبني ومقدور عليها عقب العرس
على العموم صار الي صار المهم انتي تريي مدامه صار ريلج ان شاء الله الامور تنحل عقب يمكن هوه مجهز او حاط في باله بس السفره خربت عليه ف تريي احسن وشوفي شو بيصير