السلام عليكم ورحمه الله وبركاته
اشحالكن ربكم بخيير ونعمه وعافييه
اخواتي الحبيبات انا حامل وعندي ولد قلت بييب خادمه اتساعدني في شغل البيت لاني
ساكنه بروحي وما اقدر علي الشغل الكثير لانه ولدي يباله مراقبه لانه حركي ومشاغب
قلت انا بييب لي خادمه اتساعدني في شغل البيت وانا بهتم في ولدي
1 -فمن وين تنصحوني اييبها
2 – واتفضلون اللي اتشغلت اول في دوله خليجيه اول ولا اتكون جديده
3 – اييبها اكبر عني ولا اصغر قالولي هالشي مهم فمادري
يارييت ماتهملون موضوعي لاني محتاره
ربي يحفظكم ويريح بالكم مثل مابتريحون بالي
مااعرف لكن حبيت ارفع لج الموضوع
روحي مكاتب الخدم واختاري لج وحدة تكون كبيرة عشان اليهال وبالمرة يمكن تعرف اساسيات
الطباخ وانتي تعلمينها طريقتج وترا البشاكير حظوووووووووظ ادعي ربج يوفقج بوحدة زينه
انا نفس المشكلة؟؟
مااعرف لكن حبيت ارفع لج الموضوع
انا اقولج عن تجربه ابتعدي عن الاندونيسيه والفلبينية
خذي وحده صغيرة ومب متزوجه احسلج نصيحه انا جربت الاثنين
خذي وحده مب مشتغله من قبل وعلميها على ايدج صح بتتعبين بس بترتاحين من طولة اللسان
اثيوبية او سرلانكية